الجمعة، 30 ديسمبر 2011

رشف ,, المكتبة التعاونية



رشف ,,
المكتبة التعاونية

محب للقراءة وترغب في قراءة المزيد من الكتب
ترغب في القراءة ويمنعك من اقتناءها غلو أسعارها
مللت من قراءة الكتب الإلكترونية
لديك الكثير من الكتب ولا مساحة لديك لتخزينها


إذا كنت أيا من هؤلاء , انضم ل"رشف" المكتبة التعاونية

مكتبة قائمة بالجهود الذاتية والخيرية بدون أي مبالغ او اشتراكات مالية

لكي تشترك معنا تبرع بكتابين فقط من مكتبتك , وهذا يعتبر كرت عضويتك معنا

سوف تقوم باستعارة الكتب واعادتها , لستفيد وتفيد غيرك

لن تكن مضطرا لشراء الكتاب او دفع أي مبلغ مقابل الاستعارة

في حالة ضياع أو تلف الكتب , لست مضطرا لاعادة نفس الكتاب , فقط ضع كتابا بديلا عنه

هل تحمست للفكرة ؟

هنا ملخص لكل الاسئلة التي قد تراودك عن "رشف " المكتبة التعاونية

كيف يمكنني الاشتراك ؟ بكل بساطة تبرع لنا بكتابين فقط من مكتبتك وهكذا تصبح تلقائيا عضو معنا

هل ساستعيد كتبي مرة أخرى ؟ سوف تتبرع لنا بكتب لم تعد بحاجة لها , ومقابل ذلك يمكنك استعارة ما تشاء من الكتب ماقبل هذين الكتابين

متى يمكنني ان استعير الكتب ؟ بعد تبرعك بالكتابين تقدر ان تستعير فورا اي كتاب موجود في المكتبة وتسجل بيناتك وتقراه وتعيده لنا وتستعير غيره

كم تكلفة استعارة الكتب ؟ من غير أي مقابل بمجرد وضعك للكتابين ستستعير الكتب وتعيدها بدون اي مقابل

ما الفائدة العائدة عليكم ؟ رشف المكتبة التعاونية مشروع ثقافي لا يهدف للربح يسعى لنشر الثقافة والتحفيز على القراءة

كيف يمكنني مساعدتكم ؟ ببساطة قم بالترويج للفكرة , وادعو اصدقاءك للتبرع بالكتب أيضا , وليكون المشروع لبنة تلفت الأنظار لما يجب أن تكون عليه المعرفة والثقافة ومصر بعد الثورة

أين مقر "رشف " المكتبة التعاونية ؟ جاءت فكرة مشروع ( رشف المكتبة التعاونية) لتحقق أهدافاً واضحة علي رأسها التواصل مع المصريين في جميع محافظات مصر وليس فقط القاهرة إلى جانب تحقيق قدر وافي من التوازن بين تلك المدن وباقي المحافظات و لذا نسعى لتوفير مقار في كل المحافظات , ويمكنك مساعدتنا بتوفير مقر ليستضيف المكتبة التعاونية

هل توفر المكتبة خدمات أخرى ؟ كلما زادت مشاركتكم كأعضاء زاد الابداع وتنوع الافكار وسيتم الارتقاء بالمشروع ليكن منتدى ثقافي كبير بلا تكلفة يهدف لنشر الثقافة وتواصل الاعضاء وتبادل الكتب , لان مصرنا بعد الثورة تستحق أكثر من ذلك

السبت، 24 ديسمبر 2011

راس النعامة



معلش انا عايزة ابدأ بمقدمة طويلة حبتين بس مهمة للنقطة اللي هاتكلم فيها , النهاردة كنت في نموذج محاكاة لمنظمة الصحة العالمية , في الجلسة اللي كنا فيها بنستعرض حاجة اسمها MDGs , هي عبارة عن مهام حطتها منظمة الصحة العالمية عشان تنفذها بحلول سنة 2015 , المهم واحد من المهام دي مكافحة مرض الايدز " AIDs , HIV " من خلال استعراض بعض المعلومات عن المرض كان في احصائية عن مصر هاكتبلكوا تفاصيلها

ان نسبة اصابة الايدز في مغايري الجنس 49 %  وكانت اول طريقة للاصابة في مصر  ونسبة الاصابة في مثلي الجنس 22 %  , 12 % نسبة الاصابة في مرضى الغسيل الكلوي , وعن طريق نقل الدم 6 %

لو تأملنا في الأرقام دي شوية هنفهم 3 حاجات


- ان انتقال المرض في مصر مع مستوى الرعاية الصحية مش مثالي بس تعتبر اقل بكتير من الطرق التانية

- ان نسبة الاصابة في مثلي الجنس تقريبا نص نسبة نغايري الجنس يعني الصورة النمطية  ان اول ما نسمع ايدز نفتكر انه من الوحشين مثلي الجنس دي نحاول نغيرها , ومعلومة أحب اضيفها ان كتير من مثلي الجنس بسبب وعيهم بوضعهم بيبقوا احرص من الناحية الطبية على استخدام الواقي وبتبقى معرفتهم عن الجنس الامن اكتر من مغايري الجنس

- تالت نقطة بأى ودي المهمة ان أكتر نسبة واول طريقة هي عن طريق ممارسة الجنس , بين الرجل والمرأة مغايري الجنس , ده بيفتح عنينا على نقطة اننا عندنا ممارسات جنسية غير آمنة بتحصل وغالبا بتبقى ممارسات خارج الزواج .

لو فضلنا مغمضين عيننا عن النسبة دي هتزيد لاننا ما عندناش احصائيات كفاية عنها لاننا قانونا وشرعا مش معترفين بممارسة الجنس خارج اطار الزواج , او ممارسة الدعارة

أنا دلوقت مش باعمل دعوة لتقنيين الدعارة او باحفز على قبول ممارسة الجنس خارج اطار الزواج عشان ما اسمعش كلام مالوش لازمة

كل نقطتي اننا ما نبقاش زي النعامة وندفن راسنا في الرمل ونهرب من مشكلة , لازم اللي بيمارس حياته الجنسية يكون عارف يعني جنس امن وياخد احتياطاته يمارسه داخل اطار الزواج خارجه دي حريته تبعا لاخلاقه وعقيدته

بالنسبة لوزارة الصحة والهيئات الحكومية مدام انا عارف ان فيه اماكن لتجارة الجنس ومش عارف اعمل معاها حاجة يبقى على الاقل ارصدهم لمجرد مكافحة المرض والجزء القانوني ده يبقوا يحلوه بمعرفتهم , لكن انا اغمض عيني عن مصدر لانتشار المرض لاني مش معترف بيه قانونا فده مش عارفة اسمه ايه .

أنا بالنسبة لي لما يكون عندي مشكلة وهي أمر واقع وموجود فإن تقنينها افضل بكتير من اني اتغافل عنها او امنعها تماما فتضطر الناس تمارسها في الخفاء وتؤدي لكارثة زي انتشار الايدز بسبب ممارسات غير صحية لاننا غير واعيين طبيا بالاضافة اننا بندفن راسنا في الرمل من مشكلة احنا عارفينها ومش عارفين نواجهها.

الاثنين، 5 ديسمبر 2011

حكم الأغلبية



النهاردة وأنا مروحة كانت زحمة القاهرة خانقة , والشوارع واقفة تقريبا اقبال الناس المهول عالانتخابات مجلس الشعب مخلي الوصول لاي مكان صعب حتى الشوارع مافيهاش اصلا وسائل نقل ولا اوتوبيسات ولا تاكسيات ولا اي حاجة , شوية كده وجه سي تي ايه فاضي وهيروحنا المهم ان السي تي ايه ملتزم بخط سير معين لازم يمشي , بعد ما الناس ركبت وهي عارفة خط سيره , بسبب الزحمة السواق فكر انه ياخد طريق مختصر , قعد ينادي ويعلي صوته حد نازل في النص ولا امشي من سكة تانية , وعمال يقول بلغوا بعض عشان ماحدش يرجع يشتكي , الغريب بأى ان فيه ناس ردت بمنتهى التلقائية من غير ما تعرف راي غيرها , لا مافيش امشي على طول ,,
طب مش فاهماكوا يعني ايه وجهة النظر انكوا تتغافلوا عن رأي الباقي ازاي معظم الناس عشان نازلة في الاخر تاخد قرار كده نيابة عن الغير بمنتهى التسرع !!!

المهم واحد وقف قاله لا انا نازل في النص طبعا المفروض والطبيعي والصح انه السواق يمشي في سكته العادية , حتى لو كانت ازحم هو ليه خط سير معين وانت ما نبهتوش قبل ما يركب انك هتغير سكتك يبقى لازم تلتزم بطريقك

الغريب بأى ان الناس جتلها موجة من الهمهمة والتذمر ,,, يا اسطى السكو زحمة ورانا اشغال , احنا كده مش هنلحق نروح , يا استاذ ما تنزل الاخر وخرم من المنطقة الفلانية , بعد مضي السواق في سكته النس بقت بتبص للراجل على انه مذنب , وعمالين يلقحوا طول السكة عالزحمة ,,

ايه الموقف الغريب ده ؟؟!! يعني المرفوض انه ينزل مثلا عشان انتوا تمشوا سكة مختصرة , المفروض انه يخاف ويقبل نص حل عشان انتوا اكتر منه وعمالين تلقحوا عليه وتبصوله شزرا ؟؟!! ولا انه يكون لطيف بالنسبة ليكوا ويسكت على حقه وينزل معاكم وخلاص اتقاءا للمشاكل ؟!!

الموقف ده فكرني دايما ان حكم الاغلبية احيانا بيكون ظالم ,, ليه تستقوى على الاقل لمجرد انك قوة ومعاك ناس كتير , ليه تيجي على حق الاقل والاضعف عشان انت في موقف اقوى , مش المقصود انه نمشي حكم الاقلية , المفروض يكون في قانون او شرع او اي حاجة تتفقوا عليها تحفظ حق الكل اغلبية كانوا او اقلية ,,

الموقف ده شبيه جدا بالانتخابات اللي عاملالنا الزحمة دي , الانتخابات دي فعلا ديموقراطية , بس مش دايما الديموقراطية حلوة اوي لما الكتير يجي على حق القليل , البرلمان اللي جي ده انا ماعنديش مشكلة مين هيكون مسيطر عليه , مشكلتي بس لو استخدم قوة الاغلبية دي في انه يجي على الاقليات ,

منطق قوة الاغلبية ده مش صح اللي اغلبية النهاردة او في مكان معين , بكرة او في مكان تاني هيبقى أقلية وهيعاني من نفس الظلم ده , لو فكرنا بالطريقة دي عمرنا ما هنظلم حد لاننا كتير , بمبدأ الكترة تغلب الشجاعة .

بمناسبة نفس الموضوع ده النهاردة عاشورا " كل سنة وانتوا طيبين " اول عاشورا يجي في مصر بعد رحيل المخلوع , فبعض الشيعة في مصر اقاموا احياء للحسينيات عند جامع الحسين في مصر القديمة ولاول مرة يكون عندهم القدرة على الاحتفال بشعائرهم في مصر بعد رحيل رأس النظام , فوجئت بخبر فضهم والقبض على بعض منهم اثناء الاحياء , طب ليه هل لمجرد انهم قليلين واحنا مش فاهمين هما بيعملوا ايه او لمجرد انهم مش زينا خفنا وقررنا نفضهم بالقوة , لو خالفوا القانون في اشغال طريق او اذية للناس بلغهم وامنعهم بهدوء غير كده سيبه يمارس شعائره براحته بس لاننا احنا كتير وهما قليلين سيطرنا على الوضع

شوفوا في يوم واحد اتعرضت ل 3 مواقف مختلفة لحكم الاغلبية وال 3 كانوا " ظلم الأغلبية " الديموقراطية لو ماكانش مصاحب ليها قانون وحفاظ على حقوق الكل هتبقى ظالمة لبعض الفئات ,, من الاخر كده التمييز ضد الاقلية سواء كانت على اساس ديني او سياسي او اجتماعي جريمة و زي ما لازم يكون فيه قانون واضح ويطبق بنزاهة , لازم بردو الناس من نفسها ما تتعاملش بالمبدأ حط نفسك مكانه لو كنت اقلية , عشان يكون في مساواه وعدل بين الناس وبعضها ,,


السبت، 26 نوفمبر 2011

رقصني يا جدع



من فترة كده لقيت هوجة على تويتر بين الناس على قناة للرقص الشرقي مش هاقول انها اسمها قناة التت عشان ما اعملش دعاية :P :P
بغض النظر عن الاسم انا مش عارفة معناه لو حد عرف يقولي ,, طبعا كان معظم تناول الناس لخبر القناة كان ما بين سخرية واستنكار ونقد , طبعا ظهور القناة كان مصاحب لغلق مكتب الجزيرة في مصر فكانت التعليقات عالخبر مثيرة للسخرية أكتر ,, بالذات في ظل الثورة والاوضاع في البلد ,,,

أنا كلامي دلوقت مش على القناة دي خالص لا أنا بتكلم على فكرة الرقص الشرقي ليه دايما لما بتيجي في بالنا كلمة رقاصة , بيجي في بالنا على طول , وحده عريانة , في كباريه , وناس مسطولة وجو كده مش ولا بد ,, وكتير مننا تلاقيه بيقول استغفر الله العظيم بعد اي كلمة لرقاصة وبنتحاشى في كلامنا اننا نقرب من الموضوع ده خالص ,, ودايما فكرتنا عن الرقاصة دي انها وحده ملعب كده وماشية في سكة غلط ,,

صح ولا لا مش ده اللي فكرتوا فيه اول ما جت سيرة الرقص , ليه ما نفكرش بشكل مختلف ,, أنا شايفة ان الرقص ده فن و ومهارة فعلا فعلا , زيها زي الجمباز او السيرك أو أي حاجة بتعتمد على الابداع بحركة الجسد مش اي حد يقدر يعمل كده بشكل يمتع الناس , ليه عادي بنروح السيرك ونتفرج عالالومبيات بس نتكسف نتفرج على رقاصة ؟؟!!  الرقص عند دول كتير زيه زي الغنا والتمثيل ليه انواع واصول ومدربين وحترفين ومسابقات , وكل واحد بيعجبه نوع معين سواء البريك دانس , هيب هوب , سالسا , تانجو وحاجات كتير اوي اشمعنا بنيجي عند الرقص الشرقي ونقف ونقول عيب ونقلب وشنا ؟؟!!!  عشان الصورة النمطية اللي خدناها عن الرقاصة من الافلام او المجتمع انها وحده بتبيع جسمها ومش محترمة

من جهة تانية , انا بلوم جدا على الرقاصات اللي بتتدشق ان الرقص فن ومع ذلك بترسخ الصورة النمطية للرقاصة اللعوب , ليه بدلة الرقص لازم تكون مكشوفة اوي كده ويكون مقصود بيها الاثارة بمفاتن الجسد مش بفن ودقة الحركات , ليه الرقص بيمارس في أماكن مش مريحة لكل الناس ليه مش على مسرح زيه زي فرقة الرقص الشعبي كده , ليه في رقاصات بيمثلوا ادوار راقصات في افلام بتبين صورتهم زي الزفت  , يبقى ما يرجعوش يعيطوا بأى ويقولوا مجتمع ظالم , ليه الرقاصة ما تلبسش بدلة رقص تتيح ليها حركة مناسبة عشان نبيت تميزها في الرقص مش لازم تبقى مثيرة كده , وده يبقى شغلها من غير كل الحبشتكنات التانية دي وتبقىزيها زي راقصة الباليه او الرقص المعاصر اوي اي نوع تاني

نقطة كمان في نقطة تحول في المجتمع خلانا مش متقبلين فكرة الرقص الشرقي اكتر افتكر ان فيه شريط فيديو لفرح عمي كان فيه 3 رقاصات ,,  دلوقت مافيش فرح حضرته فيه رقاصة وحده , مع ان فكرة المجتمع عن الرقص وحده على مر الزمن يعني زمان الرقاصة ما كانتش محترمة ولا حاجة بس كان المجتمع اكثر تقبلا لفكرة تواجد الرقاصة للترفيه .

انا عندي كذا سبب للحكاية دي بس هاسيبكم انتوا تقولوا السبب اللي يريحكوا عشان ما ازعلش حد

عموما أنا عن نفسي صريحة مع نفسي أنا بستمتع بمشاهدة الرقص الشرقي لما تكون الراقصة محترفة ومتميزة مش راقصة تعري انا مش بنبسط من جسمها , انا بقدر حركاتها ,, على فكرة فيه ناس كتير زيي كده بس هتلاقيهم ما بيقولوش كده بيتكسفوا , بيتفرجوا من ورا  بعض بيحبوا يشوفوا الرقاصة بس قدام النسا يقولك استغفر الله العظيم وايه المسخرة دي !!

فالعقليات اللي في المجتمع ده مش غريب انها يتفتح فيها قناة للرقص الشعبي وتتقفل قناة الجزيرة ,,, وان الناس ما تأيدش الثورة ايو يعني وفيلم شارع الهرم يجيب اعلى ايرادات ,, مش هو ده اللي عايزه الزبون ولا ايه ؟!!!!

انا مش بنتقد على فكرة كل واحد براحته  تأييد الثورة مالوش علاقة بالرقص الشرقي :))

سلام مربع بأى :))

الثلاثاء، 1 نوفمبر 2011

ما يحكمشي



ما يحكمشي كلمة أكيد سمعناها كتير في مجتمعنا المصري , او بنقولها او على الاقل سمعناها في الافلام العربي ,, الكلمة دي بحس انها معبرة اوي في مواقف كتير ,, قعدت اسأل وادور كتير اوي عن اصل الكلمة او امتى اتقالت بس ما عرفتش ,, المهم ايه حكاية ما يحكمشي دي ؟؟!! الفكرة اني لقيت الكلمة دي معبرة اوي عن فكرة بقالي فترة عايزة اكتب عنها فكرة الحكم عالناس ,,,
معظمنا زنسبة كبييييييرة اوي مننا بنحكم عالناس طول النهار مش سايبين حد في حاله بنحكم على مظهره , لبسه , شكله , تصرفاته , اخلاقه , شغله ,, والمشكلة اننا مش بنقول كلام موضوعي ابدا بالعكس بنحكم على دواخل ونوايا وامور ظاهرية ,,,
وماحدش يقولي ده نقد لا النقد معناه انه ممكن يكون ايجابي او سلبي لكن هتلاقي حكمنا عالناس دايما بالسلب ,,, ودايما فكرة الحكم عالاشخاص مرتبطة بالصور النمطية اللي بنكونها مسبقا عن الناس

يعني مثلا ,, اللي مربي دقنه يبقى شيخ
واللي بيشرب سجاير يبقى واد فلتان
اللي محجبة تبقى مؤدبة
واللي لابسة قصير تبقى قليلة الأدب

حكمنا عالناس من مجرد حاجة واحدة بس احنا شايفينها ما نعرفش دواخل البشر ايه مش ممكن يكون " الشيخ " ده مربي دقنه رياء مثلا , واللي بيشرب سجاير ده شخص كويس جدا ويعتمد عليه

مش المحجبة دي ممكن تكون محجبة غصب عنها واللي لابسة قصير دي بني ادمه عادية جدا وكويسة

المشكلة ان حكمنا مش بس بينحصر في فكرنا ده لا احنا بنوصله للناس اللي حوالينا وبنتصرف معاهم على الاساس ده

يعني مثلا لو حد صاحبك او زميلك في الشغل او جارك بيعمل تصرف انت مش عاجبك ,, بس بيعاملك كويس وبيقف جنبك في الازمات وبيصبح عليك ويبتسم في وشك ,, ليه تغير تعاملك معاه او تاخد منه موقف ؟؟؟!!!!

لو بتحبه هو له عندك النصيحة اديهاله لو ماقبلهاش خلاص خليك في اللي يخصك معاه ,,

انا لسه عندي كلام كتير اوي اوي في الموضوع ده واكيد هاكمل كتابة فيه لانه مهم ,,,

افتكر مرة في كورس عن التفكير الابداعي كان اول خطوة لازم نتعلمها اننا لو عايزين نبقى مبدعين في افكارنا ,, أهم حاجة اننا ما نحكمش عليها وهي لسه في دماغنا ,, نقولها حتى لو كانت مش منظقية ده هيدينا فرصة اننا نظلع بحاجات جديدة وطريفة ,, لو حكمنا على كل حد من منظره بس او بسبب حاجة ظاهرية هنفقد اننا نعرف جوهره الحقيقي بيفكرني بجملة للم تيريزا
“If you judge people, you have no time to love them.”  تقصد اننا لو فضلنا نحكم عالناس مش هنلاقي وقت نحبهم ,,, يماما ناس انا شخصيا لو كنت سبت نفسي لحكمي المظهري الغبي عنهم كنت فقدتهم ناس دلوقت من اعو اصحابي او على الاقل اثروا فيا وفادوني او لعبوا دور معين في حياتي ولسه فاكراهم  وعشان كده بحب الجملة دي اوي “Judgements prevent us from seeing the good that lies beyond appearances.”

اخر حاجة ياريت ما نحكمش على ناس احنا ما نعرفش طروفهم  “Never judge a man's actions until you know his motives”
الله وحده يعلم ايه اللي يخلي حد يعمل اي حاجة

اخر حاجة اتمناها ارجوكم ارجوكم ما تحكموش عالناس قبل ما تعمل كده المرة الجاية خد نفس كده وفكر في الكلمتين دول وفكر تاني وافتكر دايما اللي بيحكم عالناس الناس بردو هتحكم عليه " واللي بيته من ازاز ما يحدفش الناس بالطوب "


DON'T JUDGE

اخيرا ما يحكمشي وان حكم ما يتحكمشي ,,, اقعدوا بالعافية

الأحد، 30 أكتوبر 2011

الطبيبة الطفلة




كون الشخص طبيبا أو دارسا للطب يجعل منه دائما متلمسا للاشخاص فغالبا في مجتمعنا عندما نرى طبيبا ان نخبره بشكوى من مرض ما , نسأله عن الأعراض , نطلب منه وصفة دوائية واذا كان الطبيب صديق مقرب او جارا نلجأ اليه في الطوارئ او حالات المرض المفاجي لقيا س ضغط او تضميد جرح او حقن للدواء ,, كثير من الاطباء ودارسي الطب يتعرض لهذه المواقف بشكل شبه يومي,, مع الغرباء او الاصدقاء وحتى العائلة , لكن في بعض اللحظات يصبح الطبيب مجرد مريض لا يقوى لمساعدة نفسه على ئؤ بل انه يحتاج للرعاية , الغريب ان ها المتحذلق الخدوم الذي يدلي بدلوه في كل الامراض و الأدوية نجده يطلب من والده ان يحضر له وهو عائد من العمل دواء للزكام ويترك اختيار الدواء لتفاهم الوالد مع الصيدلي , او عندما تفيق في نصف الليل بألم في المعدة تطلب من والدتك  " دواء للمغص " وتاخذه فورا دون ان تعرف ما هو نوع الاقراص ,, ويرضخ هذا الطبيب في كثير من الاحوال لوصفات الامهات الشعبية من وضع الليمون على الوجه في حالات ارتفاع الحرارة , او ان تضع جريدة تحت القميص لكي تقي صدرك من البرد , حتى الطبيبات تجدهن يستمعن لنصائح الام في اطعام صغيرها وارضاعه والتعامل مع كافة اموره الصحية ,, في كثير من الاحوال يتجرد الطبيب من وطيفته ليستمتع بحياته كشخص عادي بل بالعكس كطفل يحتاج لرعايو والديه حتى في مرضه وان كان ادرى منهم ويهتم بشؤونهم الصحية بنفسه
كثيرا ما استمتع بهذا الشعور انني مجرد طفلة بين ابوي وان كنت طبيبة فأنا الطبيبة الطفلة ,,, :)

الأربعاء، 24 أغسطس 2011

تربية حلمنتيشي


بقالي فترة طويلة بفكر اكتب نصايح للتربية , أكيد أنا اخر شخص ممكن يدي نصايح وفي التربية كمان بس حاجات لاحظتها ممكن تلفت انتباه الأمهات والأبهات اللي لسه جداد اللي عايز يايخد بالنصايح دي وتنفع معاه يبقى يدعيلي واللي ياخد بيها وما نفعتوش فأنا ماليش دعوة :))
يلا على بركة الله نبتدي ....

1- أهم حاجاة في التربية انها مش بتبدأ من ساعة ماابنك بيتولد ولا من ساعة ما يكبر ويتكلم ويفهم , لا دي من ساعة ما تتجوز او حتى أمام تفكر انك تتجوز ,, او بمعنى اصح من ساعة ما انت تفهم انك ممكن تبقى مسؤول عن حد , يعني عشان تربي ابنك لازم تربي نفسك الأول وتقرا كتير وتطلب مساعدة ونصايح عشان انت تبقى قدوة كويسة ليه

2 - لما ابنك يتولد ابقى ارعف برجه وحاول تقرا عنه شويتين أكيد أكيد ده هيفيدك تفهم طبيعته وتتعامل عالاساس ده مش تغيره على مزاجك

3- التربية عمرها ما كانت اكل وشرب ولبس وغيارات , حط دايما في بالك انك بتعمر في الارض وبتدي الانسانية بني ادم جميل من صنع ايدك

4- اوعى تسيب ابنك للتلفزيون مهما كنتوا مشغولين والا اشربوا بأى


5- بلاش اسلوب انك تربيه زي مانت اتربيت لان غالبا تربيتك ما كانتش احسن تربية لازم تسعى بابنك للاحسن مش انه يبقى نسخة منك

6- اوعى تنسى ان حبك لابنك غير مشروط مالوش علاقة بدرجاته بادبه او بسلوكه  قومه وادبه بس ما تكرهوش

7- مهما كبر ابنك خده في حضنك وبوسه وطبطب عليه مهما كان شحط وبيشغل

8- لو عايز بنتك تبقى رمز العفة وما تبصش عالرجالة يبقى لازم تحتويها وتحسسها بقيمة الرجل في حياتها مش الذكر المسيطر عليها , خدها في حضنك ودلعها وافهمها وكلمها , عشان ما تروحش تدور على زوج اب او اخ يوم تفكر ترتبط يبقى بتربط بالشخص الصح

9- الزعيق والضرب ما بيجيبوش نتيجة خاااااااااااالص

10- سيبه يحاول يكتشف العالم من خلالخ عينيه شيله من حضنك شوية وسيب الدنيا تبهدله وانت شايفه من بعيد , عشان يقوى ويعتمد على نفسه



دول حبة نصايح كده عالماشي كل ما افتكر حاجة هابقى اقولها والنبي تدعولي لو نفعت معاكم :)))

الأربعاء، 17 أغسطس 2011

HalaScope


HalaScope is my vision or my scope to Horoscope from observation and studying 

here I will give hints abt each Horoscope , it will be a 1st for a series in Horoscope and palmistry

#Aries : Starting many things , Finishing Nothing #HalaScope

#Taurus : stubborn #HalaScope

#Gemini Convincing #HalaScope

#Cancer Home sickness #HalaScope

#Leo egoistic #HalaScope

#Virgo Realistic #HalaScope

#Libra swinging Ups and Downs #HalaScope

#Scorpion seductive #HalaScope

#Sagittarius Funny Big Child #HalaScope

#Capricorn Persistent #HalaScope

#Aquarius Cold #HalaScope

#Pisces Actor and Charismatic #HalaScope

الجمعة، 15 يوليو 2011

اطلالة الماضي



لا تعرف كيف ولا متى رمى القدر ذكراه أمامها مرة أخرى ,, بعد كل هذه السنوات تراه أمامها وكأنها لم تفترق معه لحظة واحده , حركاته وسكناته , وحتى حديثه كأنها ما زالت تتحدث معه دون انقطاع , مازال يطرح آراءه ويتكلم عن عائلته وعن عمله , مازال يحتفظ بنفس الفكر والمعتقدات , تعجبت لقد كان كل ما يقوله لها صحيحا , لم يكن يكذب او يتجمل ليثير اعجابها , أطرقت لحظة , وهي تستعرض شريط ذكرياتها معه , لماذا تتعجب من رؤيته الان ؟ هل بالفعل كانت مفاجأة ان تتذكره بعد كل هذه السنوات ؟ أم انها متعجبة من تحقق امنيتها بلقاءه مرة أخرى ؟!
بالفعل انها لطالما تتذكره وكأنه جزء من حياتها , لم تنسه ابدا , نهايتة علاقتهما كانت مبتورة جدا , لم يسمح لهم القدر بوداع لائق , لقد كان فراقا مفاجئ مؤلم جدا وجرح لم يندمل مع السنون , بالفعل مازال يعيش معها , كان دائما يعتبر الرجل المرجع لها , لقد كان فارسها في الحب ورجل اخلامها في الزواج كان دائما ما يكون في مقارنه مع كل رجل تقابله , ودائما ما يفوز بهذه المقارنه , كانت ذكراه تطمئنها بالرغم من الالم والخوف التي تحملها هذه الذكريات , كيف تتذكره ببسمة وشوق وفي نفس الوقت خوف والم , يالها من مشاعر متضاربة , لم تعرف كيف تتصرف , لقد راته ماذا تفعل الان هل تكتفي بمعرفة انه بخير ام تقوم بخطوة ما ؟ هل هي مستعدة لكي تظهر في حياته مجددا ؟ لا تعرف كيف سيكون رد فعله حيالها , لقد عثرت على رقم هاتفه الجديد , حسنا سوف تحتفظ به , انها لا تجرؤ على محادثته ولكنها سوف تحتفظ بها على اية حال , لقد دونت رقمه باسم " الماضي " لم تستطع ان تكتب اسمه مازال نطقها لاسمه يحمل معه هذه الرجفة في شفاهها , وتعثر كلماتها واضطراب في مشاعرها , حسنا مذا بعد , لا تحتمل ان تشعر به وهو في عالمه لا يشعر بها , سوف تبعث له رسالة عادية مثلها مثل الاف متابعيه عن شأن عام تماما بلهجة حيادية , لتعرف ما موقفه منها , لقد ارسلت كلماتها بعناية وهي تنتظر الرد , ظلت تتقلب في الفراش يجافيها النوم وذكرياتهما وحديثه لها يدور أمامها في عرض مستمر , ذهبت لتتفقد ما كتبه لها حتى تستطيع العودة للنوم , كانت دقات قلبها مثل قرع الطبول وضجيج يصم اذانها من التوتر في سكون الليل , ترى بم سيرد ؟ هل سيتجاهل الرسالة ؟ هل سيرد بطريقة طبيعية تماما عن الشان العام؟ هل سيتذكرها يا الهي تتمنى ان ترى رده سريعا حتى تتخلص من كل هذه الاسئلة ,, نعم لقد زجدت الرد كان عبارة عن جملة واحده , هل انت فلانة ؟ يالهي لقد تذكرها باسمها ثلاثيا , لم يتطرق للموضوع من الاصل ماذا ستفعل الان ؟ هل سترد بالايجاب , ام ستنكر , ماذا بعد , لم تضع سيناريو مماثلا قبل ان ترسل اليه ؟ سألت نفسها بوضوح , ماذا تريدين الان , أمالت جانبها على السرير ووضعت راسها على وسادتها , وأمست تتخيل ماذا تريد بعد , لا لن ترد عليه سوف تترك له المبادرة هذه المرة اذا مازال يذكرها سوف يلح في سؤاله لها , بالفعل لا تريد الرد لا ترغب بالدخول في مناقشات لا تريد الكلام , انها ترغب فقط ,
فقط في رؤيته , فعلا ترغب في الانتقال الى المرحلة التالية التي لم يسمح لها القدر بالتجربه , لابد ان لقاءه سيكون مميزا هذه المرة بعد زمن من الفراق , استيقظت صباحا وقررت ان تبعث له بردها , قابلني في المطعم الذي يقع على النهر ,
هذه هي المرة الاولى التي تتحدث معه فيها بهذه الطريقة لابد ان سنوات من الفراق اكسبتها الكثير , علمتها الحياة الكثير لقد اصبحت اقوى واشجع واقدر على مواجهة الحياة , لقد اكتسب قلبها مناعة ويستطع الان مواجهة الحب بثبات و قوة افضل , لم تعد تلك الفتاة الصغيرة التي تتشكل بسهولة في يده , التي ترى العالم من خلاله , لا لم تعد ضعيفة كما اعتاد عليها , بالاضافة انها ان قلبها اكتسى قسوة خفيفة لشعورها بهجره لها وعدم دعمها , عندما فرق بينهما دون ادنى فرصو للوداع , او حتى للاطمئنان على طفلته , وحبيبته ماذا سيفعل بها الزمن بدونه ,
لم تفكر ماذا سيكن رده ؟ , بل انها لم تدر بالا لان تتساءل ما هو حاله الان , هل مازال يكن لها المشاعر , هلى يحبها , يكرهها , هل تزوج هل لديه اطفال , هل وضعه سيسمح له بالقبول , نفضت عنها افكارها سريعا انها لا تريد سوى ماقبلته , قان قبل كان بها وان لم يقبل فانها ستنسى ذكراه للابد , بالفعل ذهبت في الموعد الذي قامت بتحديده وجلست على طاولة تطل على النهر , ذكرت للنادل اسمها اذا ما جاء شخصا ليسال عليها , وطلبت منه ماءا فقط حتى يصل رفيقها , لم تكن في حاله تسمح بتناول اي شئ , سوف تعب الماء فقط لتخفي حيرتها وارتكابها في رشفات المياه , ظلت تتلفت حولها , تعبث في هاتفها النقال , تضحك للاطفال , تتام المكان حولها بالفعل مكان جميل لقد احسنت اختيار المكان انه جميل يليق بهذا اللقاء المنتظر , منظر مياه النهرالتي تمر امامها , طيور تحلق حول المكان , وطاولات بيضاء متراصة , وندلاء يهرولون بين الطاولات , يحملون اطباقا بها اصناف من الطعام الشهي , واناس يتحلقون حول الطاولات يتهامسون ويضحكون كل يغني على ليلاه , وهي مازالت تجلس وحيدة منتظرة , بدأ الشك يتسرب الى قلبها , وتوالت الاسئلة على راسها تطحنها طحنا , كيف تصبح بالغباء الذي يجعلها تثق في قدومه للقاءها , امازال على الوعد ؟ لماذا افترضت انه مازال يحبها كما تحبه , الا يعقل ان يكون زوجا ولا يصح ان يذهب لمقابلة حبيبته السابقة , او قد يكون ابا يصطحب اولاده للمنزل الان ؟ او قد يكون مديرا في مكان ما ولا يعبأ بذكراه مع فتاه مراهقة أطلت عليه من الماضي , امالت راسها على الطاولة وحزن مصحوب بذنب على قرارها بالمجئ الى هنا , مازالت مطرقة راسها وتنظر الى قدميها التي خانتها وقادتها لمقابلة الماضي , اوشكت دمعة ان تفر من عينيها حتى وجدت من يطرق على كتفها من الخلف , وصوت ينادي باسمها ؟ رفعت راسها بشبح ابتسامه وظلت تتفحص الشخص الذي امامها , نعم لقد كان هو لم يتغير كثيرا , زاد عليه هذه اللحية الخفيفة التي اضفت على وجهه وسامه مع الشارب , يرتدي قميصا اسود , بنطالا فاتحا ويحمل في يديه حاسبه المحمول الذي طالما رافقه , بالفعل لم يتغير بل كان في نطرها اوسم واكتسى بلمحة نضج مثيرة , جلس أمامها ينطر اليها بانبهار واعجاب , كانت نظراته توحي بانه لاحظ بانها على عكسه تغيرت كثيرا , لقد كبرت الان واصبحت امراه بالفعل , في غاية الجمال مازال ذلك الوهج الذي يطل منعينيها موجودا مازال يحرق قلبه بالشوق لها , وابتسامتها التي لا تفارق ثغرها حتى في احلك المواقف و وشاحا حريريا يلف عنقعا الذيي لاطالما رغب في تقبيله , قوامها اصبح انثويا اكثر , تضاريس جسدها ملفوفة في بنطال وقميص حريري يتخلله الهواء وكأنها ملاك تعلى وشط الطيران , يداها ترتكز على الطاولة اظافرها مطلية بعناية وخالية من الخواتم , احست براحة في عينيه لوجود اصابعها الخالية من خواتم الارتباط , ظل يراقبها ويتأملها وهو شبه فارغ فاه , شعر بتوترها وهي تشرب بعض الماء , دار بينهما حوار عادي عن الاحوال والعمل , كان ملخصه ان كلاهما لم يتزوج الى الان , وان دراستهم واعمالهم في تقدم , تحدثوا في امور الحياة لكنه لاحظ اختلافه معها في الكثير , ايقن تغيرها وقوتها في الحديث علم ان طفلته كبرت كان نوعا ما فخور بها , هم ان يطلب بعض الطعام لهما وعند قدوم النادل , سبقته بالحديث وسالته عن مركب المطعم الخاص اهو متاح الان ام لا ؟ اجابها بالايجاب فاشارت اليه بالذهاب وانهم سوف يلحقان به , نظر اليها بتعجب سرعان ما تبدد عندما قامت واخذت بيده ليتبعا النادل الى المركب , قفزت برشاقة الى داخل المركب وأشارت اليه ان يرافقها , تحركت بهم المركرب قليلا وهم في صمت مطبق , توجها الى مقدمة المركب واماههم النهر ازرقا جميلا , والهواء العليل ينعشهما , اقترب منه قليلا وقطعت جبال الصمت بكلمة " ضمني " في الوقت الذي تحيط ذراعيها برقبته وتريح راسها صدره , كان جسده متوترا من جراتها غير المعهودة , ومن مبادرتها ولكنه لم يلبث ان احاط جسدها بذراعيه , كان قلبيهما يخفق بشده وشريط ذكرياتهما معا يمر في راسيهما , واذرعتهم تش\هم الى بعضم بقوة حتى كادت تتكسر ضلوعهما , لم يتبادلا اي كلمة خلال هذا العناق الطويل سوى همهمات منهما الاثنين " أحبك " تنبها من بطئ حركة المرطب واصطدامه بالمرسى هذا الذي انهى هذا العناق الذي طال انتظاره , ترجلت من المركب وتبعها لكنها لم تتوجه الى طاولتهما بل توجهت الى باب الخروج امسك بيدها , وسالها الى اين ؟ قالت لقد قمنا بتونا بالوداع اللائق كنت بحاجة الى هذا اليوم لكي ينتهي شريط الذكريات واستطيع ان امضي قدما في حيات يالعاطفية , شكرا لك على قدومك ومشاعرك التي ما زلت تكنها لي , والان وداعا ,,,
تمت

الأربعاء، 6 يوليو 2011

Sex Before Marriage


Yes we r gonna talk abt sex before marriage
1st u have to know that the writer of this is a 20s girl muslim from Egypt from an oriental kinda religious culture , So this issue is extremely sensitive and complicated <<, So let GO :)

an important back ground abt our society in the current time , that the age of marriage is quietly late , in the same time both boys and girls r not sexually active and they r prohibited from any sexual act from both religion and cultural reasons ,,
So, we have boys and girls from 20 - 30s they r not married and they r not allowed to have sex "btw some ppl having they sexual life with out marriage but am talking bat vas majority "

sex is a instinct desire like eating , drinking and sleeping So  to be a normal and healthy person u have to be satisfied from ur primitive needs  so we have a frustrated youth with a missing part from their life

by time many of them become sexually oriented they have a good life but htey wowing  4 sex , a huge part from their thinking is directed to this way
this thinking is implicated to their actions
so we see a lot of bad behaviors happen , like sexual harasment , illegal  sexual practices and pregnancy , excessive masturbation , and the psychological impact on their life that they feel imperfect , some thing is missing and the important point 4 me is what's happen when they r abt to marry ?!
imagin a sexually deprived youth finally got the chance to marry , if the logic thinking and love didnt play a perfect role the chice of the partner will be defective 4 sure ,
this will make them fall in love easily  or having a quick marriage coz they wanna have sex
so after time of marriage and the sexual needs become satisfied after a while the true part of thinking appear , they will unfortunately discover that they didnt make a proper chice coz they focused on the sexual charecters of their partner , by time they will know thats its not only abt sex

So they point now is how to avoid such a case by having sex before marriage ? I dont know I cant answer this question , ppl r free to choose their won way to live their life but if the answer is yes
so we have to experience sex with the person we wanna marry or person we love or just having sex with any other person to remove this sexual oriented thinking



for me marriage before sex is not a good choice  but if u will follow this , we have to think rationally before
marriage and choose our partner sanely and wait the excitement of surprise consider ur self before marriage as ur in diet but in sex :D 

الجمعة، 24 يونيو 2011

مبروك عالحجاب,,,


تتعالى صرخات حماسية وهتافات وبلبلة بين مجموعة من الفتيات ويرددون كلمة مبروك الف مبروك وهم يلتفون حول واحده منهن وينظرن اليها بفرحة عارمة , وعيون مغرورقة بالدموع
تقول احدهم . الف الف مبروك بجد شكلك امورة اوي في الحجاب احلى من قبل كده
ثانية : ربنا يكرمك يارب ربنا يهديني انا كمان والبسه بردو
ثالثة : ربنا يقوي ايمانك ان شاء اللبس يبقى احسن بردو

تمسك اخرى بالهاتف وتحادث مجموعة اخرى من الفتيات , مفاجأة يا بنات فلانة اتحجبت خدوا باركولها بأى وادعولها بالثبات

تذهب الفتاة لعملها في اليوم التالي ونجد نفس الموجة من المباركات وصرخات الفرحة مع كلمة مبروك ايضا وتجد الجميع يسلم عليها بحرارة وفي اعينهم نظرة فرحة وفخر

مبروك عالحجاب ؟؟!!!
اكيد كلنا شفنا الموقف ده قبل كده وكتير مننا شارك في كلمات المباركة والتشجيع

انا دلوقت مش باتكلم عن الحجاب كفكرة او كفرض ديني عشان ما اسمعش بأى اتهامات الكفر والعلمانية

انا بس باثير تساؤل ليه اما وحده بتتحجب بنلاقي رد الفعل ده

يعني مثلا لما حد بيصلي او بيصوم او ما بيكدبش بنلاقي الناس بتقوله مبروك ؟!

هل ده باعتبار اننا بنفترض ان اللي اتحجب ده كده مثلا التزم اكتر او اتقرب من ربنا اكتر

وكلمة ربنا يهديك ؟ ربنا يهدينا كلنا بس اشمعنا لما لقتها اتحجبت ,

واللي بتقولها ربنا يكرمني زيك ؟ طيب مدام انت مقتنعة ان كده ربنا هداها ودي حاجة كويسة طيب اتحجبي

مش عارفة بس انا بجد المشهد ده بكل تفاصيله بتنرفزني

مش اعتراضا على الحجاب ولا اعتراضا على اراءهم

النقطة اللي عاوزة اوصلها من كل ده ان ليه مظاهر التدين الظاهرية هي الي بتشدنا  أكتر

وبنفترض ان كده الشخص بأى احسن

ولو الشخص ده مثلا كان فنانة تلاقيها طالعة في كل القنوات وبتقول افكارها وطريقها للهداية وكأنها لما لبست الحجاب بقت عالمة في الدين او بأى كلامها له معنى لمجرد انها ارتدت الحجاب

لان احيانا صاحب النظرة دي بيبص لغير المحجبة على انها اقل دينيا وده مش صح ابدا

ربنا وحده يعلم كل وحده بتلبس الحجاب ليه , ومن غير خوض في اسباب عشان ما حدش يزعل

انا عارفة ان الكلمتين دول هيثيروا حفيظة ناس كتير بس لو بصوا للمعنى الحقيقي للكلام , انه ما نحكمش بالمظهر ياما فيه مظاهر خادعة وان ارتداء الحجاب او غيره مش دليل على تدين اكتر عشان ما حدش يرجع يقول تصوروا دي محجبة وبتعمل كده ؟؟!!اللي يقول كده هو الوحيد المسؤول عن افراضه الخاطئ

طلب بس بردو ما تحملوش الكحجبة فوق طاقتها المحجبة دي بني ادمة عادية جدا بتتصرف صح او غلط وممكن تبقى كويسة او وحشة

وليس دلالة ابدا على القرب من ربنا

وبردو كالعادة انا مش بعمم  انا بس لقيت حاجة عند بعض الناس وبرصدها مش اكت رمن كده

ملحوظة : انا محجبة على فكرة




الاثنين، 13 يونيو 2011

وضاع العمر يا ولدي


عندما يمر الوقت
وتتسارع الأحداث
وينجلي الضباب
وتتضح الرؤية
لترى الحقيقة كاملة
عارية من اي لبس او خلط
مجردة من حماسك وتفاؤلك
الحقيقة كما لم ترد ان تراها
تظهر الحقيقة لتجد نفسك وحيدا
أو بصحبة حفنة من أناس شاركوك أفكارك
يظهر لك نورها ويسطع حتى يكاد يفقدك بصرك
ليكشف ضلالات فكرك
وخيبة أملك
وأحلامك المشردة
وأفكارك المتهتكة
عندها فقط تدرك أنك كنت مع معسكر الخاسرين
او المعذبين
من كتب عليهم العذاب الأبدي
من تبنوا المعركة الخاسرة
عندما ينقلب يقينك
ويصبح كل ما آمنت به ما هو الا خرافات
شعارات
أوهام
لففت بها عقلك
وسجنت بها أفكارك
أحلامك لم تصل بك لمستقبل جميل
بل تفجرت وحرقت
واصبحت رمادا تذروه الرياح
عندما تنظر لسنوات عمرك الممزقة
لترى أنك لم تحقق شيئا
بل انك أسأت لنفسك
وجسدك
وروحك
طردت من حولك لمخالفتهم لك
وكنت تظن انك تتطهر من الجهل
بالغت في حماسك حتى فاتك التحقق من القيمة
وكنت تظن نفسك مناضلا مظلوما

لم تنل من حياتك الا ذكريات مشتتة
وروح هائمة مشطورة
نظرت حولك فوجدت كل من كنت تنتقدهم أمامك
وانت خلفهم لا تملك سوى أفكراك البالية
وطموحاتك الخائبة
وعمر ضائع
وسيرة عطرة فقدت مكانها

لتجد روحك ذائبة , وضعيفة
لانها تستمد قوتها من البشر
من الأناس اللذين ظننت انهم أغبياء
لتجد نفسك أنك انت الأحمق اللذي كان يريد ان يكون وصيا عليهم
أردت ان ترسم لهم حياتا مثالية
ومستقبلا حرا
أردت لهم الكثير والكثير
نيتك الحسنة لم تكفي وحدها
كان يجب عليك ان تعلم
ماذا يريدون هم ؟
لتعطهم اياه وان خالف هواك
حتى لا تصبح منبوذا محسورا
لتجد نفسك بدلا من كونك صوت الحق والحرية والعدالة
لصوت الانانية والغباء والجدال
لاتكن ملكيا أكثر من الملك

ضاع عمرك ياولدي ,و كنت تظن انك تبنيه
لتجد نفسك قابضا على الماء
والرمال تتسرب من بين كفيك
كنت تصارع الهواء
وتحدث الصم
وسف تقف مجبرا
لتسمع كلام الناصحين والشامتين
تنزل كلماتهم عليك كالسياط
تعذبك
تصم سمعك
وتهشم ما تبقى منك
 سيتجاهلونك
سيتجاهلوا صراخك
وكأنك تصرخ خلف جدار عازل
لن يلتفتوا لتوسلاتك
خطاباتك
صراخك
أنينك
لقد مللوا منك
ومن كلماتك المقعرة
ومن طلباتك غير المنطقية
ومن أفكارك الشاردة

لا تعاند ولا تجادل
لانهم سوف يديرون ظهورهم لك ويبتسمون
ويقهقهون حتى يرتجعوا ما يأكلون ويحتسون
وانت مازلت تدافع عن قضية مات صاحبها
وأناس راضين بوقعهم
ووطن حزين صامت
ينتظر البطل
المخلص
الذي يلتف حوله الجميع
ليأنسوا به
وتظل انت وحفنتك
أقزما محسورينا

"قُلْ هَلْ نُنَبِّئُكُمْ بِالْأَخْسَرِينَ أَعْمَالًا (103)الَّذِينَ ضَلَّ سَعْيُهُمْ فِي الْحَيَاةِ الدُّنْيَا
وَهُمْ يَحْسَبُونَ أَنَّهُمْ يُحْسِنُونَ صُنْعًا (104)
سورة الكهف






الخميس، 2 يونيو 2011

Things I Hate About Public W.C


1- There is No public W.C.
2- Always Dirty and stinks 
3- mostly there is No water supply
4- Never to find Toilet paper 
5 - No door lock

سكيزوفرينيا مجتمعية


أول حاجة اسمعها سكيزوفرينا ؟؟!!!! بنظرة تعجب كده , آه المفروض اسمها كده اهي عالاقل حاجة اتعلمناها في الكلية المريضة اللي احنا فيها دي ,,
حوار الافلام العربي بتاع أصل عنده شيزوفرينيا حادة ده ده مش ذنبي , المهم من الآخر خلونا في السكيزوفرينيا دي D: D:
بصراحة أنا هاستخدم  الوصف غير الدقيق للمرض ده , كلنا فاكرين ان الشيزوفرينيا دي انفصام الشخصية , وده مش صح بس هي النقطة دي اللي أنا عايزة استخدمها
ايه كمية الرغي دي , أقصد اني عايزة اتكلم عن الكيل بمكيالين في مجتمعنا الجميل ده ,,

بالذات في موضوع الارتباط والجواز والحب وكده ,,

تلاقي الناس بتفكر وتحب بطريقة وتتجوز بطريقة تانية خااااااااااااالص !!!!

وعلى فكرة الكلام موجه للجنسين بنات وولاد ماحدش يفتكر انه ناصح عن التاني ,,

تلاقي البنت مثلا , بتفكر انها ترتبط بحد شخصيته جامده , ومثقف , وشغال شغل كويس وابن ناس , وعلى حصان أبيض و و و حاجات كتير اوي ,, مش كل البنات كده أنا بهزر :))

بس تلاقي البنت وهي عالبر تقولك أنا ما يهمنيش الفلوس أنا ممكن اتجوز حد ونبدأ سوا , وعش العصفورة يقضينا طول ماهو طيب وحنين ,, وبيحبني , وممكن الموضوع يزيد معاها وتتخطب فعلا وتفضل تقاوح مع اهلها كتير , وبحبه يا بابا وحوارات

بس ساعة الموضوع ما يدل في الجد , تلاقيها بتجيب لورا وتقولك هوا انا هافطر واتغدا واتعشا حب ,,

لا لا لا انت زي الفل وربنا يوفقك مع واحدة أحسن مني  تستحمل ظروفك ,,

نعم !!! ظروفك !! ما انت عارفاها يا بنت الناس ولا هي الظروف دي لسه أول امبارح ,,  ولا هو لما البنت تكبر  وتلاقي صاحباتها وقرايبها واخواتها والجيران و جيران الجيران واللي خلفوهم بيتجوزوا

وتسمع بأى الكلام ,, دي عملت فرحها فين , ودي جابت فستانها منين , ود يراحت شهر عسل برة , ودي جابت شقتها بكام , ,,

تنسى كل أفكارها وحبها وتمسكها عشان بس تبقى اجتماعيا شكلها كويس

هو انت بتتجوزي لنفسك ولا للناس يا حاجة !!1

ما عليــــــــــنا عشان احنا قطعنا في البنات كتير نيجي بأى للولاد , بالذات الذكوريين منهم  , مش عايزة نفس نظرة التعجب , آه في ولاد ذكوريين وولاد لا ,, وده موضوع يطول شرحه هنقوله مرة تانية ,,  اختصاره ان فيه ولاد شايفين نفسهم ذكور بس وفيه ولاد شايفين نفسهم رجالة ,, وده فرق كبيــــــــــــــــــــر أوـــــــــــــــى

الولاد بأى , تلاقيه أول ما يعجب بواحدة ,  يقولك شكلها حلو ومهتمة بنفسها وشيك , بتلبس عالموضه , ولو مش محجبة تلاقيه بيوصف في جمال شعرها , وبعدين يقولك بنت ناس , وشاطرة , وبتشتغل ومعتمدة على نفسها , بتشيل مسؤولية وجدعة , ومثقفة , وفرفوشة , وتلاقيه هيسجد شكر لربنا ان لقى الكنز ده ,,


تلاقيه عمال يحب فيها ويبقى مش عارف يعملها ايه عشان ترضى , ناقص يجيبلها حتة من السما , وأول ما يخطبها أو يصاحبها مثلا , تلاقيه فجأة عايز يتنطط على اي حاجة بتعملها
فجأة بعد ما كان معجب بشياكتها , انت كده اوفر وشكلك ملفت وأنا بغير وبغلي أما حد يبصلك كده ولا كده
وهي عشان ده بيرضي غرورها بتعديه

تيجي تعمل مشوار ولا عمل تطوعي او خروجة مع صحابها يقولها انت مش مهتمة بيه , واذا كنا مش هنعيش يومين الخطوبة او الصحوبية هنعيش امتى ؟؟!!
بردو تعديها باعتبار انها بتوحشه وكده

آخر حاجة لو فضلت تروح وتيجي معاه يقوم يشك ويقلق , ويقولك دي سايبة السايب في السايب أنا مش مطمنلها ويروح خالع ,,!!!!

بعد ما البنت اللي كانت فتاة أحلامه , بقت فجأة والعياذ بالله أنا مش مطمنلها !!!!

واذا كانت البت ناصحة وتقتلت عليه حبتين , لحد ما يتجوزوا

أول ما تتجوز , لا لا لا شعر ايه وشياكة ايه ؟؟ انت لازم تتحجبي , لو بتحبيني اصل انا بغير

وبعدين ايه اللبس ده , البسي واسع هو انت يعني هتتشيكي ليه ؟ هتتجوزي تاني مثلا ؟؟ لالا اصل أنا حمش وعارف الراجل بيبص للست ازاي " الظاهر الأخ خبير بصبصة "

وخروج مع صحابك ايه وماما ايه وعمل تطوعي ايه ؟؟ انت اصلا هتسيبي الشغل ,, انت فاضية اما تبقي تطبخي عدل ولا تاخدي بالك من العيال ابقي اشتغلي , مكان الست بيتها !!!!

يا راجل , امال الاعجاب بنشاطها وتحقيق ذاتها ده كان ايه ؟؟؟!! شعارات !!

طب انت بتتجوزها ليه ؟؟ مدام عايز تغيرها ,, عذاب وخلاص ؟؟  ما تسيبها يا أخي تشوف نصيبها حد يقدرها فعلا

وفيه ناس بتعمل كده فعلا بعد أم يعيش قصة الحب التمام مع البنت الجامدة دي ساعة الجواز

لا لا لا انا عايز استقر , اتجوزلي واحدة هادية كده تقعد في البيت تاخد بالها مني ومن العيال وتطبخ وتروق كده وما تخرجش من البيت ألا عالقبر  ,,

الباشا ده عايز خدامة مش زوجة ,,

ممن الاخر بأى عشان ماحدش يزعل مني طبعا الكلام ده مش عام وقطع لسان اللي يعممه , بس الكلام ده للاسف بيحصل , وكلنا بنشوفه , في عيلتنا , مع جيراننا , صحابنا ,, زمايلنا ,, ده واقع

لو حسيت ان الكلام ده لمسك حاول تفكر بشكل مختلف , انت كمان فكري فيه ,,,

ياريت نبقى على اد المسؤولية في تحمل خيارتنا

ياريت نحب بالطريقة اللي احنا عايزين نتجوز بيها بلاش السكيزوفرينيا المجتمعية دي ,,,

وربنا يتمم بخير :))



السبت، 23 أبريل 2011

عن البرادعي سؤال وجواب


مش البرادعي ده بتاع النووي , ماله ده ومال السياسة؟



د البرادعي تخرج من كلية الحقوق في جامعة القاهرة سنة 1962 بدرجة ليسانس الحقوق.

وعمل بالسلك الدبلوماسي حيث عمل مساعدا لوزير الخارجية إسماعيل فهمي

لتحق بالوكالة الدولية للطاقة الذرية سنة 1984 حيث شغل مناصب رفيعة منها المستشار القانوني للوكالة، ثم في سنة 1993 صار مديرًا عامًا مساعدًا للعلاقات الخارجية، حتى عُيِّن رئيسا للوكالة الدولية للطاقة الذرية في 1 ديسمبر 1997 خلفًا للسويدي هانز بليكس وذلك بعد أن حصل على 33 صوتًا من إجمالي 34 صوتًا في اقتراع سري للهيئة التنفيذية للوكالة، وأعيد اختياره رئيسا لفترة ثانية في سبتمبر 2001 ولمرة ثالثة في سبتمبر 2005.



طيب هو سياسي وكل حاجة اشمعنى يعني عايزين ترشحوه للرئاسة ؟



عمل البرادعي بالسياسة ل 40 سنة ومنصبه في وكالة الطاقة جعله يعمل مع حوالي اكثر من 150 دولة لها مصالح متعارضة , وملم بالعديد من القضايا الدولية الحساسة , وله قدرات على التفاوض ونحن بحاجة لمثل هذه القدرات لحل العديد من مشاكل الوطن كأزمة مياه النيل و موقع مصر الحساس كونها مجاورة لاسرائيل



ممم ماشي بس مش سنه كبير شوية 68 سنة ؟



سن البرادعي النتقدمة نسبيا تعتبر ميزة وليس عيبا , لانه لا يستطيع سوى ان يكون قائد مرحلة , وقد حصل المجد من قبل توليه للمنصب , مما يغنيه عن طموح الدوام على كرسي المجد

وان خبرات البرادعي المناصب التي حصل عليها قد لا تتوفر في شخص اقل سنا



بس ياعم ده كان قاعد برة هوه يعرف ايه عننا وعن المواطن البسيط ؟



د البرادعي كان بخارج مصر بحكم عمله بالخارج في وطالة الطاقة بفيينا وليس في امريكا , ومع ذلك لم يقطع صلته بالشأن الداخلي , وقد زار الدكتور البرادعي المناطق الشعبية والعشوائيات كأسطبل عنتر , وزار العديد من مدن الصعيد المهمل , وهو بالامر الغريب تماما عن اي مسؤول سابق في مصر

وكون اقامته بالخارج كانت ميزة حيث انه لم يتلوث بالنظام القديم فلم يتخد منصب وزيرا او مستشارا في عهد ساد فيه الظلم والفساد

وباختصار كون ان اي مواطن اقام بالخراج لظروف عمل او دراسة لا يقلل من وطنيته او اهتمامه بوطنه

المهاتما غاندى كان خارج الهند لمدة 29 سنة ( 8 سنوات فى انجلترا + 21 سنة فى جنوب أفريقيا) و رجع الهند و شارك فى تحرير الهند من الاستعمار و قاد طوائف الشعب المختلفة



من الاخر كده انا مالوش قبول عندي مش هاختاره وخلاص ؟



اذا كان هذا هو ردك الوحيد على عدم اختيار د البرادعي , اذا كان اختيارك على اي اساس سوى الكفاءة والمهنية فيجب ان تراعي اختياراتك في جميع جوانب حياتك , عندما تختار رئيس للجمهورية يجب ان تعرف اولا من هم المرشحين جيد , ثم تميز على اساس البرامج الانتخابية فمسألة الشكل او القبول هذه لا علاقة لها ابدا بارض الواقع انت مش هتناسبه

البرادعي قائد الثورة ام باراشوت


قد تبدو اجابة هذا السؤال احد امرين

انه قائد الثورة ,, او انه الباراشوت

اسمحلي كي اوضح لك

الاجابة لا هذه ولا تلك

البرادعي لم يكن باراشوت على الثورة ,, او انه راكب الموجة كما فعل العديد , عد بالزمن قليلا حتى يوم الرابع والعشرين من يناير ,, من ساهم في الدعوة اللا تلك الثورة

كانت صفحة خالد سعيد , 6 ابريل , الجمعية الوطنية للتغيير , ومجموعة دعم البرادعي

تعتبر هذه الاركان الكبيرة التي دعت للثورة , من المعروف ان د البرادعي هو من اسس الجمعية الوطنية للتغيير و ووقف معه العديد من اسماء المصريين الشرفاء , وتم جمع حوالي مليون توقيع على بيان التغيير في حوالي عام

صفحة خالد سعيد , كما اتضح لنا في منتصف ايام الثورة ان مؤسسيها كانوا ممن تأثروا بفكر د البرادعي

و مجموعة دعم البرادعي ,,

وعندما قامت الثورة سارع الدكتور للانضمام لها في 28 من يناير ونال ما ناله جميع الثوار من خراطيم الماء والاعتداء ,, كان وسط الثوار جانب بجنب , لم يجلس ببيته ليتابع الاحداث كما فعل العديد منا , وهوه كمواطن مصري دعا لثورة ولتغيير وشارك فيه لا يمكن ان يكون بحال من الاحوال باراشوت

دعوة الدكتور ومؤيديه للثورة ما كانت لتكتمل الا بمشاركة ابناء الوطن , اللذين سأموا الظلم والذل والاستبداد ,

البرادعي عندما شارك بالتظاهرات كان وسط الناس لم يكن محمولا على الاعناق , ولم يتزعمن مسيرتهم , ولم يكن قائدا لها او زعيم , ثورتنا كانت ثورة شباب ساندها الشعب , وكان الدكتور البرادعي بذرتها الاولى ومساندا لها

باختصار البرادعي انسان مواطن مصري حائز على جائزة نوبل مثله مثل د زويل ونجيب محفوظ وانور السادات نكن له ولهم كل الاحترام وقلادة النيل التي جعلت منه ملاصقا للمشير طنطاوي وهو اعلى سلطة الان في مصر ,

لا هو ملاكا نزل من السماء ولا ذلك الشيطان الذي جاء من بين الامريكان والاسرائيليين

اخترته ام لم تختره فلا تظلمه

السبت، 9 أبريل 2011

ليلة صيفية باردة

تحت ضوء القمر , مع نسمات باردة , وصوت موج هادر , وظلمة تلف المكان , تكسرها حمرة الجمر المتألق في النارجينة , رائحة القهوة , تعم المكان , ويختلط صوت قرع الكؤوس اللامعة , مع صوت ضحكات الفتيات , يتدفأ الناس باذرع بعضهم البعض , ويتبادلون الحديث والهمسات , كانت تجلس في مكانها تحاول ان تفهم ما يحدث حولها , الجو العام مناسب لهذا ومهيأ , لكن بردوة يديها وتجمد مفاصل يديها تعيق تدفق الأفكار الى كلمات , تحاول ان تفهم ما يحدث , اعتادت  الدور الذي كتب لها في الحياة , فتاة  تجابه الحياة بصدر رحب ونحاول جاهدة , 

الجمعة، 18 فبراير 2011

عروبية أنا


عروبية أنا ,,, عربية أنا ,,, مصرية أنا ,,  لن نختلف في المسميات الان ,
لأول مرة في حياتي ادرك معنى انتماء لعرق او اصل او دين , في هذه الايام عشت عروبتي , نعم احسست لاول مرة بعروبتي ,,
قد تثير هذه الكلمة حفيظة البعض , ولكنني باختصار لا انتمي للعروبة  التي دعا لها الانجليز لتفرقتنا لا لتجميعنا , حين اقول انا عروبية لا اقصد اننا يجب ان تكون لدينا نفس اللغات والثاقافات والحضارات
سوف اتكلم عن العروبة في وجهة نطري المتواضعة ,,
عروبتي التي افتخر بها هي عروبة التنوع والتوح\ في نفس الوقت ,,
توحدنا واجتماعنا وعروبتنا تتمثل في همنا المشترك ,,, الطواغيت والبحث عن الحرية ,,
عندما قامت ثورة تونس ونالت بواشير حريتها في 14 يناير 2011 , اشعلت حماس كل العرب , تبعتها بلادي الحبيبة التي اثبتت حضارتها  وثورتها الشعبية الشبابية الحضارية وتخلصت من طاغوتها في 11 فبراير 2011  , ثم لحقتها الجزائر وليبيا مازالوا في نضالهم واليمن والعراق والبحرين على لطريق , والله انني  لفاضت بي عروبتي , شعرت ان همنا واحد , عندما احدث اصدقائي التونسيين او العرب , اشعر بفخرهم واملهم بنا نحن الشعب , الشعب العربي الذي تنوعت تقافاته ولهجاته وحضاراته , لتزين هذا الجمال والتنوع بالحرية والديموقراطية
تذرف عيناي الدمع املا وشوقا في امة عربية وشعوب تحب بعضها , وليست مجرد اجتماع الطواغيت في الجامعة العربية ,,
عندما اغفو ارى وطني العربي , بدياناته , وتاريخه , وتنوعه كله حب والفة , كم اتمنى ان استطيع ان اتجول وسط بلادي العربية بدون تاشيرة وجواز سفر , اريد ان ازور البيت الحرام بدون تعقيدات , وان اشاهد جبال ثلوج الشام بدون تاشيرة , وان اطل على اخواني في المغرب وانا لست سائحة , حنين جارف يشدني لأرضي , منذ فترة ليست بالبعيدة كنت افكر في العيش في بلاد اخرى ارى فيها الثلح والحضارة والغرر الصفراء , والعلم والالتزام , نعم كلها اشيائ اود ان تكون في بلادي , ولكن في نفس الوقت سوف افتقد دف احضان عروبتي , وسمار سحنتها , وحمية دمها , وغيرتها على شرفها , وكرمها وتسامحها وشهامتها , نعم نحن اصول الحضارة وما اخرج اسوا ما فينا الا الاستعمار والاستبداد من الطواغيت , والله ليست بشوفينية بغيضة وانما حب وانتماء لعروبتي , لمصريتي , احبك يا بلادي واتمنى ان تعودي قبلة المشرق ,,,, بحبك يا بلدي

الأربعاء، 2 فبراير 2011

د/ البرادعي في عيني


اعرف ان هذا الحديث الان في هذا التوقيت بالذات سوف يجلب لي القصف , وسوف تتسابق كلمات السباب واللعن عليَ وعلى البرادعي , وستنهال علي التهم بالعمالة والخيانة وعدم الفهم , وسيتم اتهامه بانه جاي عشان يسرق الحلم ويركب الموجه لكن احب اقول موقفي تتفق او ترفض هذا رايك الخاص ولكني سوف اوضح موقفي , الجمعة الماضية 28 يناير يوم الغضب عندما خرج الدكتور البرادعي مع المتظاهرين في ميدان التحرير , كنت أكيل له السباب وادعو عليه من قلبي لانه يحاول بلبلة الأمور وتقسيم الناس لانه يعرف بأن الشارع المصري لا يعرفه جيدا وانه وضع نفسه في موقف حرج جدا , خاصة عندما صرح في السي ان ان بانه لديه تفويض من المعارضة  , ثم تسارعت قوى  المعارضة بان تنفي اعطاءه اي تفويض مما سبب المزيد من البلبلة , والانقسام , ولكن هذا الامتعاض كان ناشئ من معزة له في قلبي , الان سوف تستأنف السباب واللعن علي مرة اخرى واتهامي بانك لا تعرفي البرادعي , وتعرفي عنه ايه عشان تؤيديه , سأوضح بانني منذ قرابة العام وللاسف انها كانت خطوة متأخرة تعرفت على عالم البرادعي نعم اصفه بانه عالم , شخصه , خطته , مريديه , أعجبت به عندما رأيت خيرة وأشراف هذا الوطن يؤيده , اعجبت به عندما وجدت خطته المنظمة للتغيير السلمي في مصر الذي بدأ بجمع التوقيعات لتنفيذ مطالب مشروعة , أعجبت به عندما وحد بحكمته واهدفه اليمين واليسار والاخوان وكل الطوائف لمجابهة الحزب الوطني الحاكم المستبد , عندما رأيته يمشي في الشوارع حتى يوم المظاهرة ملاصقا للشعب لم يخف من اغتيال او تعدي ,
نعم البرادعي هو من أحيا الأمل في التغيير بعد اليأس , هو يعتبر اول حركة ذات قوة تبدأ بعد 2005 بعد محاولة ايمن نور في ظل دستور مفصل وشروط عصيبة أن يترشح للرئاسة ويعطينا امل , نعم ان مطالب الشباب في ثورتنا كانت هي مطالب البرادعي التي عمل عليها لمدة عام كامل , كان يقيني يزيد به كلما حاولوا ان يشوهوا صورته ويخترقوا خصوصيته ويحاولوا ان يشهروا به
البرادعي وجمعة التغيير كانت على مدى عام كامل تنظم مسيرات واحتجاجات ومظاهرات , كانت ثمارها ثورة الشعب الحالية , حتى الان اقول ان البرادعي من الشرفاء في هذا الوطن وانه اشرف من 100 مبارك واتباعه وعصابته , لن اقوم بنشر هذا الكلام بين اصدقائي الان كي لا استفزهم , ولكنني على يقين بانني سوف انشره يوما وانا فخورة بكل كلمة كتبتها , ارجو واتمنى من الله ان لا يفعل البرادعي ما يجعلني نادمة على هذا المقال , حفظ الله مصر للمصريين وبالمصريين

الأربعاء، 26 يناير 2011

ثورة 25 يناير اليوم الفاصل في تاريخ مصر الحديثة


لم اعد املك الا دموعا تذرف ندما وتشوقا وغضبا وأملا , ولا افيد الا بدعوات صادقة ملؤها حسن الظن بالله والرغبة الحارقة بدفع الظلم , وفخرا بأخوة لنا واجهوا وقاموا وكانوا خير مثال و مصدر الهام , اضعف الأيمان أن تكون مهموما بالوطن ,,,

السبت، 22 يناير 2011

نبوءة ابراهيم عيسى


منذ فترة عاد الي شغفي باكمال قصة ( مقتل الرجل الكبير ) للصحفي ابراهيم عيسى , التي تم نشر جزء منها على حلقات اسبوعية في جريدة الدستور منذ ما يقرب من 5 سنوات , كنت انتظر العدد بشغف حتى اقرا جزء من تلك الرواية
ولكن حدث ان توقف نشر تلك الرواية , وانها بصدد الطبع قريبا, ظللت اسال عليها قرابة عام كامل , حتى انني اذكر ما حدثني به اخي عندما ذهب للسؤال عليها في احدى المكتبات المشهورة بوسط المدينة قال له البائع ممازحا ( البوكس واقف برة ) , بعد هذا العام توقف بحثي عنها ليقين بداخلي انها توقفت بناء على ضغوط امنية بالتاكيد , وبالصدفة منذ 3 اشهر تقريبا , كنت ابحث الكترونيا عن عنوان القصة علني اجد اي خبر عنها او حتى حلقاتها المنشورة سابقا , ففوجئت , بوجود هذه الرواية في كتاب الكتروني , لم اصدق عيني من السعادة ( قبل ان اتهم بجريمة القرصنة الالكترونية فان غرضي من تحميلها عدم وجودها في الاسواق , ولقد فوجئت منذ اسابيع بوجودها في مكتبة الشروق فعلا ولكن بعد اتمامي لها فعذرا يا كاتبي الكبير ) وبالفعل اتممت قراءتها في يومين بالضبط لشغفي بمعرفة النهاية , لكن حديثي اليوم ليس عن تلك النهاية , ولكن عن جماعة المولعين بجاز !!!!  نعم في احدى فقرات الرواية حدث ان تهور الرئيس وقال ( اللي مش عاجبه يولع بجاز )  فقام الشعب بعد ذلك بتكوين جماعة المولعين بجاز , توالت الأحداث بأن كل فترة وأخرى يقوم أحد المواطنين باشعال النار في جسده امام مبنى حكومي او في ميدان عام , وهنا تحققت النبوءة فبعد احداث تونس واشعال بو عزيزي النر في جسده شكلت في مصر ووبعض الدول العربية
 جماعة المولعين بجاز
اتمنى ان لا تذهب ارواحهم هدرا وتأتي هذه النار بأكلها.

الثلاثاء، 18 يناير 2011

10Reasons Make Me Wish To Be a Boy


1 - Back to Home whenever I like
2 - shave my hair totally and become bald
3- not to wear special undergarment
4 - travel alone any where any time
5- to be treated fairly not as an inferior weak creature
6 - to find some one to cook for me
7 - Do any thing I want and the excuse will be am a BOY
8 - not to be under supervision of any one
9 - to upload my pics without privacy setting
10 - to join any public event without fear of being harassed  

الثلاثاء، 11 يناير 2011

حب الاحتياج



كانت دائما ما تستغرب موقف والدتها منها عندما تنخرط في حياتها او تقوم بانجاز أمورها بنفسها , كانت تتعجب عندما ترى والدتها وهي تعاتبها برفق لماذا لم تطلب منها ان تعد لها الغداء , أو تقوم بطي ملابسها , في كل مرة تتأهب والدتها للذهاب الى السوق تسألها إن كانت بحاجة الى شئ من هناك , كانت ترد بدون اهتمام بلا , ثم ترى نظرة غريبة على وجه والدتها ما بين الحزن والأسى , كانت تستعجب من هذه النظرة , لماذا تتوقع والدتها حاجتها لشئ من هناك , إنها فتاة كبيرة الان تستطيع القيام بكل شئ واحضار ما تحتاجه من السوق , ولماذا تحزن والدتها من عدم طلب شئ منها , مع إنها  قد تبين شئ من التضجر عند طلبها شئ منها , حتى أنها تتذكر في أحد أيام الامتحانات  طلبت من والدتها أن تحضر لها شئ من الحلوى , قامت الأم على قدم وساق بعمل المطلوب , وإن هاتفتها أحدى الصديقات تخبرها بأن عليها ان تحضر الحلوى , وعندما تنجزها تراقبها باهتمام وهي تأكلها , وصراع في داخلها وكأنها تجلس على كرسي مرصع بالمسامير , ثم تطلق السؤال على استحياء , هل أعجبك ؟ ترد ابنتها عليها بأنها لذيذة وتلتهمها بشهية , عندها تطلق الام تنهيده ارتياح , وتبدأ بوصف ما عانته خلال تحضير تلك الحلوى وكيف أنها قامت بتعديل المقادير لتناسب ذوق ابنتها , فتبدأ الفتاة باطلاق عبارات المديح على الحلوى لكل ما قالته الوالده , عندها تقوم الوالدة مدعية الامبالاه , وتقول بالهنا والشفا وتذهب .
كانت أيضا تستغرب حالة الاستنفار والحزن التي مرت بها والدتها عند زواج أختها الكبرى , وكم الدموع التي ذرفتها لمفارقة ابنتها , وشهور العمل المتواصل بلا كلل او ملل للتحضير للزفاف , ومع لك كانت في شبه حالة انهيار من ذلك.
كانت تستغرب ايضا , عندما كانت تحدثها والدتها عند طفولتها وكانت تلاحظ نبرة حزن عندما كانت تتحدث عن أول مرة قمت بارتداء ملابسي بنفسي , أو تناولي الطعام بالشوكة , او العودة من المدرسة بمفردي , اشعر بأن كبدها تتقطع مع كل ذكرى توحي باستقلال او بعد .
كانت تستغرب فعلا من كل هذه المواقف , كانت تتساءل , أليس من الطبيعي ان تفرح الام عندما يكبر ابناءها ويعتمدوا على انفسهم , كي يخف الحمل من على كتفيها , اليس من المفرح أن ترى أبناءها سعداء بنفردهم ليواجهوا حياتهم , لماذا تحزن عند كل ما ذكرت ,
ولكن الان عرفت طبيعة هذا الشعور , أنه حب الاحتياج , نعم , لأول مرة في حياتها عاشت هذه الحالة , أحست بوالدتها في في كل ذكرى مضت , عندها , وعندها فقط أدركت هذا الوجه الجديد للحب , كيف أن والدتها تحب أن تتعب من أجلها , وتهتم بها , وعند احساسها بعدم احتياج ابناءها لها تشعر بالاهمال وعدم الاهمية , زال كل تعجبها واستغرابها عند وقوعها في نفس الموقف , لم تنجب أطفالا كي تتالم عند كبرهم او زواجهم او استقلالهم , لكنها عانت من اعراض انسحاب الاحتياج , عند فقدانها الشخص تلو الاخر عندما يفقدوا اهتمامهم بها , كانت تشعر بالام عند شعورها بأنها اصبحت جزء من ماضي شخص ما , وأنها لم تعد الحضن الامن له , أحست بطعنات فقدان الاهتمام , وصمتهم المدوي كان كفيلا بصم اذنها , وعيناها تتعذب لرؤيتهم وهم مشغولون بأناس اخرون , شعرت انها وان كانت قطعة من الكريستال , فان مكانها في رف علوي مهمل يعلوها تراب , مؤلم ومحزن هذا الشعور , ولكن
ولكن في طي هذا الأسى استشعرت ملامح وجه جديد للحب , وهو حب الاشخاص لمجرد انهم بخير , لمجرد انها كانت جزء من حياتهم يوما ما , انا بالفعل سعيدة لما وصلوا اليه , وان لم يكن لها وجود حاليا ولكنها حولت قطعة الكريستال من الرف العلوي لمنتصف قلوبهم , فإنها شاءوا أم أبوا جزء من ماضيهم السعيد وفي قلب كيانهم وإن نسوا أو تناسوا وجودها.
الصعب في الموضوع متى وكيف يتحول حب الاحتياج الى الحب البعيد , الصامت , غير المشروط , لا تعلق الا بقولها , يا مقلب القلوب ثبت قلبي على دينك