عارفين لحظات الوضوح دي , لما فجأة تبقى قاعد عادي في أمان الله , والجو مش مساعد يعني لا هوه بالليل , ولا انت متضايق ولا هدوء , في عز الظهر , ووسط الدوشة ووسط الناس , فجأة كده تفتكر حاجة قديمة اوي اوي اوي , تفتكر انها أثرت فيك اوي اوي بشكل سلبي اوي ايجابي , تفتكر انت حسيت بظلم أد ايه , بذل , بقهر , بحزن , باحراج , بعذاب , أو تحس بفرحة , تالق , نشاط , قوه , ايمان , بتفتكرها كويس اوي , لحظة الوضوح دي بتبقى اوضح لما تفتكر ان انت مثلا فضلت تعاني بسبب الحاجة القديمة دي جالك كوابيس , اتعقدت من حاجة , بطلت تعمل حاجة , أو على العكس انك بقيت بتحب حاجة , أو اتقدمت في حاجة , أو اتغيرت لحاجة . لحظات الوضوح دي على أد ما بتبقى مؤلمة بالذات لما تعرف سببها وما تقدرش تغيره , وساعات بتبقى حلوة انها بتعيدلك ثقتك بنفسك تاني وتدور جواك على حاجة حلوة ,, مش عارفة انا بقول ايه , ولا عارفة , حد فاهم حاجة ؟!
ليست هناك تعليقات:
إرسال تعليق