دماغي ,,, متجدد

الجزء ده هيبقى فيه دماغي

اللي دايما بتفكر كده وشغالة ما بتسكتش ابدا

هاطتب هنا حاحات عربي وانجليزي او اي لغة

كل الشوشرة والدوشة اللي جوه هتخرج

الحقيقة الخطوة دي اتاخرت اوي

طول عمري من وانا صغيرة باحب اكتب

بس للاسف يمكن الغربة كانت هيه السبب

احساسي كان ان اللي هيكتب مذكراته ده لازم يبقى عنده مكتبة في مكان معين وتبقى محفوظة

المهم اللي حصل اني بدأت دلوقت

وبفكر يمكن الكلام ده ابقى اطبعه واحفظه عندي لاولادي ,,, اشك بصراحة او على الاقل

انا باكتبها لنفسي ما اعرفش عشان انا بنسى اللي بقوله

لاني باتكلم كتير وانا عندي مقولة احب اقتبسها من دكتور فراجير

Dont tell me that u said that

I say a lot of things :P

فانا هاكتب شوية حاجات عن نفسي واشوف رأيي بيتغير ولا لا

1- انا مش مؤمنة اوي بحكاية الابراج وكده بس بقالي فترة عندي شغف بالموضوع في وسط بحثي عنه

لقيت جملة حسيت انها بتوصفني بالزبط

( المرأة الحمل تتمنى ان تكون رجلا لتستمتع بحريته و المسموح له )

ومن الحكم اللي باحبها

am just a person trapped inside female body

فعلا انا كده بحب اعمل حاجات غريبة ومش بستنكر حاجات كتير

عندي حس التجربة والمغامرة

عشان كده باحس اني مقيدة جدا في مجتمعنا الضيق المحدود من كل نواحيه ونفسي انطلق جدا

بس اعرف سكة الانطلاق

وعندي احساس اني نهايتي هتكون في احدى مغامراتي

2 - من صفاتي الاساسية جدا اني يعني الحمد لله خدومة يعني قليل لما حد يحتاجني واطنشه او ما اقدرش اساعده

بس لما بيطلب مني اختياريا اني اعمل حاجة فيها التزام لوقت وناس وكده

غالبا بارفض

انا فعلا ما بحبش الالتزام خالص مع اني لو مرة مشيت في موضوع مجاملة لحد او حتى بكيفي

باعمله كويس ومش باخذل حد

بس لسه بردو مش باحب الالتزام ودي حاجة وحشة لانها صفة ما تعمرش بيت هع هع هععععع

3 - كتير اوي بحس اني بنت كلمه

ولفط ابن كلمة ده يعني بيطلق على اللي بيثور او يهدا بكلمه

هيه مش حاجة وحشة اوي يعني لز حد زعلني هاهدا بسرعو وهيصالحني بسرعة بردو

4 - 100 things to do before u die

نفسي اوي احقق القائمة دي كلها و الاقي اللي يساعدني اني احققها

ومن اهم امنياتي اني عايزة الف الجنيا واعيش كل تجاربها وثقافات وعادات الشعوب والناس

والحكاية دي فيا من صغري طول عمري بحب الافلام التسجيليه اللي عن عادات الشعوب

وفيه برنامج مش هانساه كان اسمه

culture triology

اموت واشوفع تاني كان عن مقارنة كده بين الصين واليابان وكوريا في كل حاجة

اللبس والاكل والشرب والتعليم والمهرجانات

اصل احنا هنا في مصر عندنا كله واحد اهو واحد قصير وعينه مشدودة والسلام

5 - فيه حاجة هبلة كده حبة غرور

عندي احساس دايما ان اللي ما عرفنيش او مش هيعرفني بعد كده او عرفني وما فرقش معها فهوه خسر كتيرو هيندم

هي هي هي هيييييييييي

6 - مصر بلدي حبيبتي هيحصل فيها مصيبة سودة قريبا لانها شارفت على النهاية

ربنا يستر بأى لان للاسف مشكلة الناس هنا

انهم غير مسؤولين

وان كانوا مسؤولين فهم غير قادرين

وبردو ان الرجل الغير مناسب في المكان الغير مناسب بردو

وطبعا ريحة الكوسة دايما مفحفحة ومنتشرة في بلدنا

واخيرا دايما بعبع المخابرات والتعذيب بيخلي اجدعها شنب يتخرس

7- استكمالا لموضوع الابراح

احب اقول حاجة لاحظتها وهيه حقيقة العذراء مش طيب ومحترم زي مانت شايفه كده لازم تعرفه كويس وتعاشره

وده مش ذم لا سمح الله فيهم انا بحبهم بجد بس كتير تحس انهم مزيفين بس من غير قصد

يعني لو ما تعرفش عذراء كويس يبقى ما تحكمش عليه ابدا

8 - على قد ما انا اجتماعية جدا وفعلا باحب اتعرف على ناس جديدة وبحب معرفة الناس

ومثل الجنه من غير ناس ما تنداس انا مؤمنة بيه جدا

بس احيانا كتير بالاقي نفسي لا انا طايقة الناس ولا عايزة اروح تجمعات ولا حاجة ما اعرفش ليه

9- احب اقول ان انا شخص كل ما شلت من عليه الرقابة والحدود كل ما بأى مبدع اكتر وحسن انتاجا

تقفش عليه هيسمع الكلام شوية بس انت المسؤول بأى على النتايج

10 - مشكلتي اني بابقى داخليا احيانا كتير بابقى ظالمة وقاسية في احكامي

بس قلبي بيرجع يرق تاني والله بس لما اللي مضايقني يتعدل

11 - عندي احساس دفين اني مش هاتجوز لان الجواز التزام ومسؤولية

وانا الحمد لله اتمتع بالصفتين دول بس مش باحب اعملهم حاجة مستفزة جدا

غير كده اني حاسة اني عايزة السبع رجالة في بعض وما فيش حاجة بترضيني

وبم اني قلت كده يبقى هاتنيل اتجوز جوازة سودة ومهببة وارجع اقول ايه الهجص اللي كنت باقوله ده

12- حاجة بأى مهمة فيا وما اظنش انها تتغير

ما بارتاحش مع الناس المتشددة دينيا ظاهريا يعني اللي الدين عندهم ورقة وقلم ومظاهر وخطوات وتبقى طبخة ونبقى كويسين

هاوضح النقطة دي مع الوقت ويمكن المقال ده يوضح شوية

http://halagabr.blogspot.com/2010/08/200.html

13- في بأى صفة زي الزفت فيا دلوقت

اني بتكلم اكتر بكتير من اني بسمع

بس ده مش غرورا مني واستهيافا لكلام الاخرين

بس لاني بابقى متحمسة جدا وعايزة اقول حاجات كتير

وغير كده اني كتير بحس عشان ارتب افكاري وابلورها باحب احكيها لحد عشان كده باتكلم كتير

بس مع العلم اني باسمع مشاكل اللي حواليا وباحاول احلها

وبحب اسمع اصحابي واتكلم معاهم

بس بردو انا رغاية وبتكلم بسرعة

14 - حاجة اساسية جدا فيا اني فعلا SLOW

بحس ان فيه حاجات بديهية جدا ومع ذلك بتاخد مني وقت عبال ما اعرفها وافهمها كويس

بس لما باعرفها بابقى فيها استاذة

ودايما افكاري طليعية وجديدة بس مش بنفذ

والاقي غيري سبقني وعملها وانا وقفت محلك سر

نفسي بقى تزبط معايا وافكر في حاجة وانفذها بدري وتزهزه الدنيا معايا كده




15 - انا مش طويلة النفس خالص وبتعب بسرعة وبمل وسهلة التشتت جدا


16 - تقريبا انا دايما عايشة في حالة انطار او بضحك على نفسي عشان الدنيا تمشي
ياخوفي من اليوم اللي هاقول فيه الحقيقة هتكون نهاية كل حاجة  

الموضوع متجدد ,,,