طريقك للزمالة البريطانية للجراحة ,,, Guide for mrcs Egypt

في البداية انا بشكر ربنا انه وفقني ونجحت في امتحان الزمالة من اول مرة

بشكر والدتي ووالدي وخطيبي واخويا اللي دعموني وبالذات دعاالوالدين بجد ده اهم حاجة

بشكر جدا جدا زملاء ورفاق الكفاح اللي ساعدوني كتير وبتمنالهم كلهم النجاح

اولا ، الموضوع ده مش حصر للmrcs ولا ده الطريق السحري اللي هيضمن النجاح ، انا بس حبيت اكتب ملخص و توجيه جديد لان معظم المواضيع عالنت بخصوص الزمالة قديمة او عالفيسبوك وغير منظمة.

ثانيا ، انا هاحاول اغطي كل للنقط المهمة بس من خلال تجربتي او تجربة زملاء رفقاء كفاح لو حد عنده سؤال انا مش مصدر رسمي انا بس بحاول اساعد، نظرا لضيق الوقت انا هاحاول ارد عالتساؤلات على اد ما اقدر ماحدش يزعل لو ما قدرتش.

تنبيه ، الموضوع طويل لو مستعجل بلاش تقراه لو عندك وقت

جنبك كوباية شاي وسيجارة واقرا على مهل p:

الكلام موجه للحنسين بس هاستخدم صيغة المخاطب الذكر للتسهيل ليس اكثر

يلا بسم الله نبدا،

Part A

مواعيد الامتحان بتكون في شهر بناير ، ابريل و سبتمبر مواعيد الامتحانات و قيمة الامتحان على موقع الكليةالملكية الفلوس بتكون مكتوبة بالاسترليني عشان تعرف هتدفع كام بالزبط هتدخل على موقع الbritish council مكتوب بردو المواعيد والمبلغ لكن ومهمة اوي النقطة دي
ما تاخدش اي معلومة منهم عن الزمالة هما ببساطة ما يعرفوش حاجة غير انهم ياخدوا منك الطلب والفلوس وبس ، عشان حصل غلط في معاد امتحان هاقوله بعد كده.

طيب تدفع ازاي ؟
بردوالمعلومات موجودةعلى موقع الكلية الملكية بس انا رحت دفعت المبلغ في اي فرع بنك HSBC على رقم حسابهم واسم الفرع كلم british council واعرفه
انا امتحنت في ابريل 2014 كان ب 6075 جنيه مصري وتقريبا بيزيد كل مرة

نحجز امتى ؟ الحجز بيكون تقريبا قبل الامتحان ب3 شهور وبيقفل قبل الامتحان بشهر يعني لازم تكون مخطط من بدري انك داخل المواعيد بردو عالموقع ودي لينكات جدعنة بدل ما تدوروا

ده لينك على قسم امتحانات الزمالة موقع الكلية الملكية

http://www.rcseng.ac.uk/exams/surgical/intercollegiate-mrcs-examinations/exams-centres

وده لينك الbritishcouncil على قسم امتحان الزمالة على طول

http://www.britishcouncil.org.eg/en/imrcs

الbritishcouncil في العجوزة بتروح معاك الطلب جاهز انت طابعه او بتروح تاخده من هناك عادي وتملاه هناك وتديهم الوصل اللي دفعت ببه وصورة اثبات شخصية هيدوك ورقة انك سجلت وصورة من ايصال البنك ،بعد كده هيوصلك ايميل قبل الامتحان باسبوعين يقولك مكان الامتحان وبيبعتلك addmission letter دي لازم لازم لازم تروح بيها الامتحان مع اثبات س
شخصية بطاقة باسبور اي حاجة وتروح قبل الامتحان بنص ساعة ، المكان بيكون في الاكاديمية الطبية العسكرية دي في شارع الخليفة للمامون في شارع فندق تريومف .
الامتحان 4 ساعات اول ورقة ساعتين وتاني ورقة ساعتين وبينهن بريك حوالي ساعتين ، من حقك انك تطلع برة الاكاديمية تروح تشرب حاجة او تاكل لان مافيش اي حاجة جوا ، بس ناخد بالنا ما نبعدش عشان تلحق ترجع قبل المعاد.
بين الورقتين يستحسن انك ما تراجعش اللي حصل عشان ما تزعلش وماتتوترش ، لو عايز تراجع في ااجاي ماشي بس ما انصحكش ، انا عن نفسي ماراجعتش ولا ذاكرت بالصدفة قابلت زملا ورحنا اكلنا في on the run.

في اللجنة بيقولولك انك تسيب الكتب والشنط وااموبايلات برا القاعة ، انا سبت شنطي بكل ما فيها برة الحمد لله طلعت لقيتها زي ماهي بس لو ح قلقان بيقفل الموبايل ويدخل بيه و جوه هيوزعوا اظرف تحط فيها الموبايل وتقفله.

هتلاقي على ااديسكات قلم رصاص واستيكة مش محتاج تاخد قبل ما تروح ، و ممنوع الالة الحاسبة و مش هتحتاجها اصلا.

الوقت ضيق جدا يدوب تلحق تخلص فاكيد مش محتاجة اوضح ان مافيش غش .

النتيجة بتطلع في اليوم اللي مكتوبلك في ورقة الدخول تقرببا بعد شهر من الامتحان بتدخل عالموقع وبتلاقي كل ارقام الناس اللي داخلين في كل الدول النتيجة عبارة عن pass or fail
بعدها بفترة هتدخل على الاكونت بتاعك في الموقع بال candidate id,  وده رقم مخصوص بيك هتستخدمه عشان تفتح بيه الاكونت على طول موجود في addmission letter, هيكتبلك نتيجتك بالارقام والنسبة.

خلصنا كلام على للتفاصيل نخش في المذاكرة ،

نذاكر منين ؟
الامتحان عبارة عن ورقتين basic science and surgery
 هتحتاج للمذاكرة كتب اساسية وهم
1 , raftery basic science for mrcs
2, pass test revision notes 2 volumes

هل في حاجة تانية ازودها ؟ اه انا عن نفسي فادني جدا كتاب سامح دوس surgical anatomy
  كان بالنسبة لي من رافتري في جزء الاناتومي

في حاجة انقصها ؟ اه فيه  كتاب رافتري كتاب حلو لكن كان صعب عليا اول ما بدات مذاكرة لاني كنت ضعيفة في الفسيولوجي و الباثولوجي فكان تقيل عليا ، فاكتفيت بكتب  pass rest لانها ببساطة داخل فيها اافسيولوجي والباثولوجي ضمن للمواضيع ، عاوز تعمل كده اوكي بس بلاش تعتمد على كده يستحسن تقرا رافتري انا اخدت الريسك وااحمدلله عدت دة بالاضافة لكتاب سامح دوس اناتومي

هل هتحتاج لكورسات ؟
السؤال ده يعتمد على الشخص نفسه ، لو انت من النوع اللي بيذاكر لوحده ومنظم يبقى مش هتحتاج ، لو من النوع اللي كان معتمد على الدروس في الكلية زي حالاتي يبقى اتكل على الله وخد

ايه فايدة الكورس؟  الكورس بينظملك افكارك ، بيحطك في مود الامتحان وبيجمعك مع ناس ويحطك في روح المنافسة وفي فرصة اما تحب تستفسر تلاقي حد تساله، بمعنى الكورس عمره عمره ما هيشرح كل كلمة وكل حرف هو هيحطك في المهم ويعرفك اهم النقط.

ايه الكورسات المتاحة ؟
انا عن نفسي اخدت كورس في سنتر كومباس ، الكورس حوالي شهرين ونص ب 2000 جنيه بمعدل مرتين في الاسبوع المرة من 4 ل 5 ساعات ، المحاضرين مجموعة من مدرسين في جامعة عين شمس حاصلين على ال mrcs بيدوك خبرتهم ومتعاونين ، لو عاوزين تعرفوا اي تفاصيل ده لينك للسنتر كلموهم واعرفوا المواعيد لو حاببن
https://m.facebook.com/Medical.Compass?refsrc=http%3A%2F%2Fwww.google.com.eg%2F&_rdr

طب فيه كورسات تانية ؟ اه نفس الكورس ده بسعره بمحاضرينه بيتعمل في النقابة تقدروا بردو تسالوا ليكون في تغيير او حاجة
في كورس بردو في سنتر سكور بس انا ماعرفش عنه حاجة لو حد يعرف ياريت يفيد غيره هنابردو

نذاكر ازاي ؟ انا اقدرش اقولك اعمل كذا وما تعملش كذا لكن ببساطة اقرا الكتب اللي قلنا علبها سريعا وما تركزش في ادق التفاصيل باريتك اصلا تقدر تقرا التلات كتب دول كلهم قبل الامتحان ، انا عن نفسي ده ما حصلش انا قربت لنسبة لا تتعدى ال 40 % ، دي مش قاعدة ومش تحريض ان القراية مش مهمة لان انا ما قربتش اكن كنت مهزوزة ومعلوماتي مش عميقة بالاضافة للاهم ان ده كله اضطريت اذاكره في الجزء التاني ، فيستحسن تقراهم بالحسنى.

اهم نقطةعشان تعدي الجزء الاول هي

الأسئلة ثمالأسئلة

لازم تحل كتييييييييييييرجدا مش هاقول رقم لكن لازم تحل على قد ما تقدر في كتب كتير ، من اهمهم اي كتب مكتوب علبها pass test 

وفي كتب 500 questions in anatomy , physiology , pathology

الكتب دي صعبة وغلسة واسلوبها بعيد شوية عن الامتحان لكن انا عملتهم وقريت الشرح اللي تحت كل سؤال  عشان انا ما قريتش basic science فده كان مصدري اني الم اكبر عدد معلومات ممكن،، عموما خش اي مكتبة هتلاقي الراجل طلعلك بتاع 40 كتاب نقي براحتك وقله انك هتبدل لو حبيت انة عن نفسي عملت كده اللي ما فتحتوش رحت بدلته بكتب الجزء التاني

في كمان مواقع منها emrcs وده كان السنتر مشترك فيه فكنا بنحل فيه قبل كل حصة وفي ناس اشتركت فيه وكان مش غالي 

في كمان موقع pass test ده انا ماعرفوش لكن اللي اشترك فيه قال انه اقرب حاجة لاسلوب الامتحان بحوالي 100 استرليني

الكورسات كمان بتديك CD عليه يردو كمية كبير 

طب

واحنا بنحل في الاول ممكن تقرا وتحل ورا كل جزء باقراه وافتح الكتب واقرا التفاصيل والشرح اكن قبل الامتحان بحوالي اسبوعين او عشر ايام لازم تتعود تحل بسرعة لان الامتحان وقته ضيق جدا جدا مافيش وقت تفكر ، يا تحل على طول يا تعلم اي حاجة وتنقل على اللي بعده على طول 

الورقة الاولى بتكون 135 q single best answer 

الورقة التانية single best answer 45 q

extended matching questions 90 q

الemq اسرع في الحل فطبيعي تلاقي الوقت اضيق في الورقة الاولى بس عدد الاسءلة متساوي يعني ما تجيش حاجة على حساب حاجة في المذاكرة تقريبا هما حابين يزودا عدد ال SBA فممكن تلاقيهم اكتر من 45

بالنسبة لورقة الجراحة كل حاجة ليها قيمتها يعني ما تتعبش نفسك في مذاكرة neurosurgery و تسيب ال abdomen انت نفسك هتحس من الاسءلة ايه اكتر حاجات بتتكرر

ليلة الامتحان مهم اوي انك تسترخي المذاكرة مش بتخلص هتلاقي عندك كتب بحالها ما حلتهاش او حاجات عالكمبيوتر ما حلتهاش مش مهم مش هتلحق اخر نص يوم تعمل كده على العصرية كده بالكتير تقفل مذاكرة وتحضر نفسك وتسترخي وتنام بدري عشان ما تفصلش في النص .

بكده انا خلصت الجزء الاول ، نخش باى على اللي بعده

Part B 

بعد اما برنا يوفقك وتنجح اول جزء تروح ال british council تستلم جواب بيفيد انك نجحت في الجزء الاول طبعا بيبعتوا ايميل الاول يفيد انك تروح تستلمه من هناك ، قيمة الجواب ده عشان تسجل في امتحان الجزء التاني انا عن نفسي استلمته وانا بقدم عالجزء التاني يعني بعدها بحوالي شهرين 

تدخل امتحان الجزء التاني امتى ؟

من رايي يستحسن تدخله بعد الجزء الاول عشان تكون لسه معلوماتك فريش ومتحمس الا لو في ظروف تمنع ده

تكلفة الامتحان؟ انا دفعت 10400 تقريبا وال osce 10700  وبتزيد بردو كل مرة.

مواعيد الامتحان بتكون في شهر مارس  واكتوبر و ديسمبر في اسكندرية بس احتمال امتحان اسكندرية الجاي اللي هوا ديسمبر 2015 يتعمل في القاهرة بردو  ،، واي استفسار عن المواعيد هتلاقيها على موقع royal college اللي حطيتله لينك فوق و في نقطة مهمة جدا جدا جدا ما تسالوش ال british council  لانهم ما بعرفوش لان انا كنت هادخل امتحان ديسمبر 2014 وقالولي ان مافيش امتحان هناك فاضطريت احجز في امتحان اكتوبر 2014 وده كان قبل ال dead line ب حاجة بسيطة وكان في رمضان وماكنتش مذاكرة بس الحمد لله اهو عدى على خير . بالنسبة لشكل الامتحان بالنسبة للناس اللي دخلت في 2014كان قدامها تحجز يا اما   OCC يعني oral , clinical , communication  

او OSCE  

انا هتكلم عن ال occ لان ده اللي انا دخلته المفروض ان 2015 ده اخر فرصة لدخول الامتحان ده ودي حاجة كويسة انها تتلحق لانه اسهل من ال osce بس ما اعرفش لو حد معداش هتبقى ظروفه ايه 

نتكلم في شكل الامتحان ال occ بيكون على يومين اول يوم ده شفوي بيكون بردو في الاكاديمية الطبية العسكرية عبارة عن 6 لجان كل 2 مع ببعض متقسمين ل 

Critical care and physiology

pathology and principles of surgery

anatomy and operative

اللجنة بتكون 7 دقايق ونص بعدين يرن جرس و 7 دقايق ونص يردو على نفس التربيزة ، بيكون على التربيزة ممتحنين كل واحد بيسال لوحده والاتنين بيقيموك، اللجنة غالبا بتتسال حوالي 3 مواضيع في كل موضوع كذا سؤال 

غالبا في الاول بيبدا معاك فسؤال عام او تكلم عن كذا بعدين يبدا يتعمق في الموضوع ، حاول تكون سريع لان مافيش وقت للتردد ولا التاتاة ، عارف يبقى تجاوب فريرة ، مش عارف قوله كلمة السحر i dont know عشان تنقل على اللي بعده ما تضيعش وقتك ، انا قلت ماعرفش تقريبا في كل لجنة مرة وجبت درجات كويسة بس اكيد مش هتقول ماعرفش في كل سؤال وهتعدي ، واوعى تفتي او تالف عشان في تاس ماعدتش بسبب الفتي .

في لجنة الاناتومي غالبا هيبدا في كل سؤال يا اما باشعة او ب عظم او صورة من اطلس او موديل ويسال عليه وبعدين يتوالى الحوار .

مهم جدا جدا انك تتكلم بصوت مسموع وواضح وتكون واثق في نفسك ، كلنا بنخاف و بنتوتر لكن حاول تتمايك وتاخد نفس لجزء من الثانية وتفرد ضهرك ده هيدي عنك انطباع كويس ، بين كل لجنة ولجنة في جرس الوقت بالثانية لما الجرس يضرب بعد لجنتين تقوم فورا حتى لو كنت في نص سؤال وغالبا السؤال ده مش بيتحسب.

الممتحنين في انجليز ، ومصريين ، في ناس دخلوا عند ممتحنين هنود بس انا ما شفتش  ، عموما الممتحنين الاجانب لطاف جدا واسءلتهم منطقية وجميلة وبيساعدوا ، بعض الممتحنين المصريين رخما جدا وبيتعمدوا يغلسوا لكن ما تفكرش في الموضوع كتير طول مانت مذاكر وبتجاوب سيبك من الهري لان الاتنين بيقيموك سوا .

المفروض ان بيوصلك عالميل addmission letter زي بتاعت الجزء الاول مكتوب فيها معاد امتحاناتك تكون قبلها بردو بنص ساعة ، المفروض ان انا كان عندي بين كل لجنة ولجنة حوالي ساعة لكن ده ماحصلش ، انا خلصت الامتحان كله في نص ساعة ، ما بين كل اجن  والتانية لو قابلت زملا ممنوع الكلام نهاءي وماتسالهمش اتسالوا في ايه ولو رحت وكان لسه في مجموعة مخلصة ما تكلمهمش بردو مافيش داعي توتر نفسك ولا ان حد يقولك كلمة مالهاش داعي .

بعد اما خلصنا قالولنا نروح ننتظر النتيجة في قاعة تانية بعد حوالي ساعتين لكن بعد نص ساعة جم باظرف فيها النتايج كل واحد اخد ظرف الظرف ياما يكون فيها ورقة خضرا معناها حظ موفق المرة القادمة او ظرف فيه ورقتين صفر واحدة انك نجحت في الاورال والورقة التانية ال addmission letter بتاعت الكلينيكال ، يوم الاورال كنا 6 نجح 2 

معاد الكلينيكال كان تاني يوم على طول8 الصبح في مستشفى المعادي العسكري اللي عالكورنيش واحنا اخدنا النتيجةالساعة 1 وفي ناي بعدنا اخدتها 3 بعني يا تكون مذاكر كلينيكال يا اما مافيش وقت وده غالبا هيحصل بردو في الامتحان الجاي لانهم هيحولوا كله لنظام الosce ، يعني باختصار كده لازم تكون محضر نفسك من قبلها.

الكلينيكال والكوميونيكيشن دول شكلهم ايه ، الكلينيكال ده عبارة عن 4 مجموعات 

 Swelling H&N breast

abdomen , ing, scrotal

ortho

vascular

في كل مجموعة متقسمة جزءين حالة long and short

بردو 7دقايق ونص لكل لجنة غالبا في اللونج هتاخد حالة ولو في وقت هيسالك والشورت لازم تاخد 3 حالات او اكتر ، ده معناه انك لازم تكون متدرب وسرييييببببع جدا ،  بتتكلم بصوت عالي وواضح لان الممتحن هيسالك في النص لو عارف جاوب وانت شغال مش عارف هتقول ماعرفش عشان مافيش وقت تفكر ، بالمناسبة في لجان زي الvascular قلبت كلها شفوي يدوب كنت اشوف الحالة ابول دي كذا يروح مكمل نظري .

بعدين في امتحان الcommunication ممكن تبدا بيه او كلينيكال ، الكوميونيكيشن ده جزءين 

Information giving وده عبارة عن انك بتوضح للمريض عملية او تاخد منه اقرار او تقوله خبر وحش ، لازم تكون لطيف وتعرف تتعامل ، مهم يكون لغتك الانجليزية كويسة لانك هتكلم الممثل ده مش بيكون مريض بجد ب non medical terms عموما قبل اللجنة بيسيبك 5 دقايق في اوضة مع ورقة فيها تفاصيل كل حاجة 

اللجنة التانية information gathering وده انك بتاخد history من ممثل بردو بيسيبك 5 دقايق في اوضة مع ورقة فيهة تفاصيل الحالة وبعدين عندك 10 دقايق تاخد هيستوري وتقدمه للممتحن ، لازم قبل ما تخش تكون عارف انت هتسال في كل النقط اكتبهم في الورقة اول ما تخش عشان ما تنساش وبعد اما تخلص تقول الهيستوري بالعلاج بالفحوصات وكله اهم حاجة تكون مممثل شاطر وعندك حضور وواثق في نفسك وبتتكلم حلو.

بعد الامتحان النتيجة بتظهر في نغس اليوم بتتجمعوا جنب قاعة الاحتفالات بيقولوا اسماء اللي نجحوا في clinical and communication وبيعلقوا ورقة فيها اسماء باقي الناس اذا كانوا نجحوا في اي جزء او لا، الناس اللي نجحت بيتعملها احتفال صغير في قاعة تحت وبيكون في مصور وبتاخد feed back من الممتحنين .

طيب نيجي للمهم نذاكر ازاي ومنين ؟ الشفوي ده مذاكرة نظري هتقرا من اي مصدر على طريقة سؤال وجواب لازم تعرف انت هتقوله ازاي مش مجرد اجابة سريعة زي الجزء الاول ، بالنسبة لمصادر المذاكرة انا عن نفسي ذاكرت من ملازم اسمها mmm دي ملازم دكتور انا ماعرفوش كتر خيره حمع كتب الجزء التاني كلها وقسمها chapters بحيث تسهل عليك المذاكرة 

او ممكن تذاكر من الكتب على طول منها كتاب cracking وفي غيره كتير روح المكتبة والراجل هيطلعلك كتب كتير دي صورة للكتب مجمعه 

بالنسبة للكلينيكال ملازم mmm فيها ملزمة كلينيكال جميلة فيها كل الحالات بالاضافة لاسءلة عليها كمان ، في كمان كتاب clinical examination by manij ramachandran ده بردو كتاب حلو بس كتير خد منه المهم بس .

ال comm. كان في ملزمة اخدناها في الكورس ماعرفش بتاعت مين بس كانت شغالة 

هل هتحتاج كورس ؟ اسمع مني وخد الجزء التاني لابد من كورس للclinical and communication 

لان هتحتاج حد يقولك تفحص ازاي ويعرفك الدنيا ماشية ازاي وتدرب على مرضى وتجرب بايدك .

ايه الكورسات الموحودة ؟ 

انا عن نفسي اخدت بردو في كومباس الكورس كان 3 اسابيع بمعدل حصتين كل اسبوع بتعرف اساسيات الفحص في كل جزء على مرضى و كان في شرح لل comm. وتمرين مع زمايلك  ،الكورس كان ب 1600 جنيه ، عموما الكورس كان مش وحش كان مساعد وحاجة تحطك عالتراك لكن مش قوي اوي .

في كورس تاني بيعمله دكاترة من الجيش الكورس تقريبا 12 حصة 6 نظري و 6 عملي ، وبيعملوا mock exam  في اخر الكورس عشان تعرف نظام الامتحان و مستواك وكده ، الكورس بحوالي 4000 جنيه وال mock exam 1000 ماعرفش اي تفاصيل عن مكانه او مواعيده بس اللي يسال ما يتوهش

في حاجة مهمة اوي ان الجزء التاني لازم تذاكر مع حد لازم تتمرن على الفحص كتير وتجرب على زمايلك ، يمكن اكتر حاجة استفدتها من الكورس انه عملنا study group وكنا بنتقابل مرة كل اسبوع نذاكر كلينيكال ونفحص على بعض  وقبل الامتحان ب 10 ايام مسكنا كل يوم شابتر في الاورال ، بجد دي احسن حاجة في مذاكرة الكلينيكال والكوميونيكيشن حتى ليلة امتحان اتقابلنا وراجعنا، ده بيخليك في الامتحان اسلوبك سريع وسلس وكنا بنحسب الوقت لبعض. 

طيب اخر حاجة لو انت لسه هتحجز تحجز occ ولا osce ادخل على موقع ال royal collegs هما كاتبين بالتفاصيل بس هما بيحبذوا لو لسه اول مرة تدخل تتدخل osce لان اخر امتحان occ في يناير 2016 يعني لو مالحقتش تنجح او نجحت في حاجة ولسه فاضل جزء والوقت عدى كده هتضطر تدخل osce ، اقروا الفولدر بالتفصيل مكتوب في كل حاجة .

باختصار كده انا نا دخلتش osce بس لو هتدخلوا معظم مواقع النت بتشرح عنه لان ال occ مش فاضل غير في مصر بس وفيه كتاب osce clinical examination by cathrin parchment 

من تجربة زميل دخل ببساطة هو عبارة عن 18 لجنة ، 8 اورال knowledge   و 10 clinical عشان تنجح لازم تنجح في كله الصعوبة فيه ان ال clinical بيكون فيه procedure يعني لو انت مش بتمارس فعلا هيبان يعني يجيبلك ازاي تعمل habd knot , FNA, وكده يعني ،بالنسبة للcomm. الموضوع مختلف ممكن يديك فايل حوالي 10 صفحات وتبلغه للاستشاري عالتلفون وبيسالك في ادق التفاصيل ، انا بس بحاول افهمك ان نظامه مختلف عن ال occ 

نصيحة لو هتدخل osce خد كورس تبع دكاترة الجيش لانهم هما المسؤلين عن تنظيم الامتحان في مصر وشافوا الامتحان اللي فات يعني اكتر نلس هتقولك معلومات اكيدة ، بس بالنسبة للاورال نفس المذاكرة .

نتيجة ال osce بتطلع بعدها بشهر تقريبا على الموقع تدخل بالاكونت وتشوف نجحت ولا لا .

وال occ بتنزلهم الدرجات بالتفصيل عالاكونت بردو .

يارب اكون افدت بالمعلومات دي ، ولو في اي سؤال ياريت يكون الموضوع ساحة نقاش اللي عارف يرد مش لازم انا اللي ارد وبالتوفيق للجمبع .

علامات الجمال

كتير مننا لو سألنا ولاد أو بنات على علامات الجمال عند البنات هتلاقي الاجابات المعتادة , انها تكون بيضا بشرتها صافية شعرها ناعم  جسمها منحوت بطنها مشدودة رجلها وايديها ناعمة شوية مواصفات كده الولاد بيدوروا عليها في البنات والبنت بتحاول تكتسبها سواء بكريمات او رياضة او ماكياج او حتى عمليات تجميل .
لكن منظوري انا لعلامات الجمال ده حاجة تانية خالص الناس بتشوف ان البياض وصفاء البشرة ده قمة الجمال وتلاقيها بتحط بتاع تلات اربع كريمات واحد واقي من الشمس التاني عشان البقع والتالت عشان الحبوب والرابع عشان النضارة ده غير الماسكات وخلافه حاجات كده مهولة عشان ما تسمرش وتحافظ على وشها جميل ولا الهالات السودا بيحطولها سبعتلاف كريم ولا في فايدة
ده للوش بس اما الشعر بأى بردو له كمية كريم تسريح وكريم ضد الحرارة قبل السيشوار وحمام كريم وحمام زيت وقصات عن الكوافير ومكوة فرد ومكوة تجعيد وبلاوي
نيجي بأى للجسم هنلاقيها بتعمل دايت على طول حتى لو وزنها مزبوط وتروح تدفع اشتراكات جيم ونادي وكريمات بردو لتنعيم الجسم وازالة شعر وكريمات للسلوييت ولعلامات التمدد
حتى بتوصل انهم يعملوا عمليات للتخسيس وشفط دهون وشد بطن وتكبير ثدي وغيره وغيره
بتوصل احيانا انها بتلجأ لعمليات كمالية تماما يعني جسمها ووزنها مزبوط لكن تروح تعمل تكبيير او تصغيير للثدي من غير اي داعي او انها تغير شكل مناخيرها لمجرد التغيير .
الحقيقة انا شايفة الحكاية غير كده خالص ....

سمار البنت من الشمس ده علامة جمال البنت اللي بتنزل في الشمس عشان تروح كليتها او شغلها , المهندسة اللي بتقع تتنقع في الشمس في الموقع , او مندوبة المبيعات اللي بتمشي تلف في الشمس , الطالبة او الموظفة اللي بتقف تستنى الاتوبيس عالمحطة سمارها من الشمس ده بيظهر جمال قوتها وطموحها , تحقيقها لذاتها ومشاركتها في مجتمعها وفي شغلها.

الهالات السودا اللي مضايقاك دي علامة جمال بنت سهرت عشان تذاكر وتطلع الاولى سكرتيرة سهرت تكمل شغلها او ام سهرت على ابنها العيان.

الشعر النظيف الملموم ده علامة جمال عشان الطالبة او الموظفة او ربة البيت اللي هتضيع كل يوم ساعتين عشان تسبسب وتفرد شعرها وتجرب وصفات الدنيا والاخرة مش هتلحق تذاكر ولا تشتغل مدام طول النهار بنسشور شعرنا وطول اليل خايفين عليه ليبوظ يا ستي اغسلي شعرك ولميه وريحينا شعرك الملموم ده اللي مش بيتعمل غير في المناسبات علامة اجتهادك وجمالك انك بتستغلي وقت الكوافير انك تقري كتاب او تذاكري او تاخدي اوفر تايم تساعدي جوزك.

الست اللي واقفة طول اليوم سواء الطالبة اللي واقفة طول السكشن عشان تتعلم الدكتورة اللي واقفة طول النهار في نبطشية ست البيت اللي واقفة في بيتها طول النهار طبخ وغسيل ونشر لازم يجيلها دوالي رجليها مش هتبقى رجلين شاكيرا الدوالي  اللي في رجليك دي علامة جمال بتبين صلابتك وتحملك لشغلك وبيتك.

الست اللي ولدت وعندها علامات تمدد او اللي حملت وولدت تلات اربع مرات ورضعت قدهم طبيعي هيجيلك ترهل في البطن وعلامات تمدد وترهل في الثدي او يجيلك فتاق في جدار البطن كل الحاجات دي علامات جمال جمال امومتك وحنيتك جمال احتمالك الحمل والولادة والرضاعة جمال قوة ام ربت وتعبت وسهرت.

اللي بقوله ده عمره ما يكون مبرر لاهمال الست لنفسها مافيش وحده ما تحبش تكون حلوة في عين الناس او في عين صاحباتها او جوزها حتى في عين نفسها كلنا وانا اولكم بستخدم كل الحاجات اللي قلت عليها فوق لكن كل شئ بحساب الجمال مش بالحركرك كده ما تضغطيش على نفسك وتضيعي وقتك وفلوسك عشان تبقي شبه فلانة او زي علانة بالعكس خليكي فخورة بأثر الحياة عليك .

كلمة للبنات والستات لكل مقام مقال دلعي نفسك من وقت للتاني , اهتمي بنظافتك على طول البسي معتدل في شغلك مافيش مانع تعملي شعرك اما تخرجي او في المناسبات ماحدش قاعد طول اليوم بقصة مسبسبة حطي ماكياج لجوزك وانت رايحة سهرة او خروجة مالوش لازمة ماكياج السهرة اللي بيتحط ليل نهار اللي ماحدش يعرف لون وشك الطبيعي من غيره , اهتمي بجسمك ورشاقتك روحي الجيم بس ما تكروتيش شغلك عشان تروحي الجيم وما تعمليش عمليات مالهاش لزوم وتاخدي ادوية عشان كام جرام زيادة حطي كريمات واهتمي ببشرتك لكن ما تضيعيش فلوسك على الحاجات دي وتأزمي نفسيتك عشان حبة ماحدش شايفها غيرك  البسي شراب دوالي وخدي علاج بس مش تجري على عملية مش ضرورية على حاجات مش باينة اصلا اهتمي بنفسك وروحي الكوافير ونادي صحي من فنرة للتانية بس ما تبقاش دي كل حياتك يا لوزة , عندك شغل وبيت وولاد ما تجيش عليهم عشان تبقي هيفاء وهبي .

اخر كلمة بأى للولاد اللي بس بيدوروا عالبيضا ام شعر ناعم وجسم مشدود وبشرا صافية وحاطة ماكياج كامل على طول هتلاقيها بس دي مش هتشارك الحياة معاك دي انتيكة تحطها في الصالون تتفرج عليها بس.

FGM is an ugly fact in Egypt

She is a middle age female married an she has a daughter. Polite , shy she came to me in the OPC  with a strange copmlain she said " I have a painful tumor down" I didnt get it exactly but I told ger ket me examin u as am the "surgeon to be " I was astonished from what I saw , I always here about FGM or what they call it in Egypt " circumcission" I saw a large swelling in the remaining part in the clitoris , it was ugly . I felt petty for her asked her u had yr FGM long time ago why now ? She said it become larger and painful . I told her I ll take u to tge consuktant . She and her husband were very geeatful and reliefed . I can feel their happiness she was doing all the investigations quickly coz she wanna get rid of her night maee . The end msg from this story that FGM is a crime we should get rid of this from our society . Abt my patient she ll have a surgery tomorrow I hope we can fix her life

Mein Job ist Sex , عاهرة ولكن

اسم التدوينة مكتوب بالعربي والألماني , الجملة الألماني دي عنوان لتقرير على القناة الألمانية الثانية في برنامج 37 درجة , التقرير ده كان لطيف جدا وأوحالي شخصيا لفكرة التدوينة دي اللي بقالها فترة بتلح عليا ,,
تحذيــــــــــــر , التدوينة قد يرد فيها لفظ مش لطيف بعتذر عنه لكن مهم لسياق الحديث  , عموما موضوع غير مناسب لاقل من 18 سنة
التقرير ده كان عن 3 طالبات بيمتهن الدعارة في أمانيا اللي يحب يشوف التقرقر ده لينك عاليوتيوب للاسف مش مترجم :(
http://www.youtube.com/watch?v=cLZfNcSZENM

باختصار بيحكي عن الثلات بنات دول واسرارهم العائلية ومشاكلهم مابين الشغلانة دي وأسرهم , اللي لفت انتباهي , أكيد هيلفت انتباهكم , البنت اللي اسمها "فانيسا " ودي صورتها
بالنسبة لي بالصورة النمطية للعاهرات هنقول " دي عاهرة ؟!!" ازاي  دايما بترتبط صورة العاهرة بمنظر البنت الثانية او بالمنظر اللي بتصوره الأفلام .

البنت في التقرير بغض النظر عن وظيفتها , شفنا نموذج حياة لطيف , شخصية رياضية بتدرس شكلها لطيف , حتى موقعها عالنت اللي بتروج بيه لنفسها مش مبتذل من نظام المواقع الإباحية اللي المعتادة

اللي حسيته ان البنت دي قد تكون وظيفتها كده بالعامية المصرية " شرموطة " لكن نمط حياتها مش كده زيها زي أي بنت محترمة

احيانا بأى بلاحظ في مجتمعنا العكس , في بنات مش " شراميط " لكن تصرفاهم أو مظهرهم كده
من أبسط حاجة زي مثلا تلاقي البنت جاية الكلية او نازلة بالنهار , حاطة 2 كيلو ماكياج في وشها ولبسها بيلمع وضيق وماشية بتترقص وبتتكلم بطريقة كأنك بتكلم وحدة من بيوت الدعارة .

لحد بنات مش بتمارس الدعارة ولا بتاخد فلوس لكن , تلاقيها بتستفيد بشكل أو بآخر . تدلع على مدير عشان تاخد ترقية , تتمايص على موظف عشان تمشي أمورها , توقع بين اتنين عشان تخطف راجل , وتصرفات تانية كتير اوي , لو كل بنت دققت هتلاقي نفسها بتعملها . انا مش بحكم على العاهرة ايه الظروف اللي حطتها عشان تمتهم مهنة زي دي . هي حرة , بس "فانيسا " لفتت انتباهي وخلتني اصحح حاجات في حياتي , ياريت كلنا حتى أنا لو خدنا بالنا هنلاقينا بنقفش نفسنا بنعمل التصرفات دي . مش معنى ان البنت مش شركوطة برخصة , إنها كده شريفة ومحترمة
 احترام منظرك الخارجي بيمثل جزء بردو , حرية اللبس مش متعارضة مع لكل مقام مقال  , في الاخر الاحترام  هو الأمانة في الشغل , تعاملك الطيب مع الناس , نزاهتك في تصرفاتك وأفكارك
من غير ما أكون بحكم على حد , ياريت يكون الكلمتين دول نوروا حاجة في مخنا .

season of crying

I dont know exactly what is the reason of all that tragedy in my life

all what Iknow that every thing makes me CRY

its totally pointless post , just trying to find whats wrong with me 

making my pillow wet , is the main ritual i do every night

crying when thinking of oeople we may loose

crying when some one blames me

cry when am afraid

when am alone

when am calling family. n friends

crying when am thinking of my future

crying when i cant make a task done

crying before exams

crying when i eat too much

even crying when i watch a movie 

crying is the winter rain , dont know the spring will wipe my tears 

أخر لحظات السعادة

هل مررت يوما بإحدى تلك اللحظات ، عندما تؤجل سماع خبر حتمي الوقوع
خبر مصرع سعادتك
عندما ترفض  الواقع ، وتعيش في أمل وهمي للحظات
عندما ترشف آخر فنجان قهوة لأنك لن تشعر بعد الآن إلا بمرارتها في حلقك
عندما تتناول آخر وجبة فطور مصحوبة بأمل في يوم جديد
لأنك لابد في لحظة سوف تعرف أخيرا اسوأ خبر قد يقتل السعادة بداخلك
ستعيش بعدها كائن أجوف ،، موضع قلبك يتسع لنيزك
عندما يتحول نهارك لنفحات أمل
وليلك لنوبات نواح وجزع
ما بين العويل والتبتل ، هكذا أحيا في هذا البرزخ
عندما يرقد من حملني بين ذراعيه ، بين ذراعي المرض
من أعمل لإسعاده
اجتهد لإرضاءه
هو والدي
معلمي
سندي
أحتاج جرعات أمل تبقي على تمسكي بالحياة
ليتني أراه ، أقويه بنظراتي
ألمس كفيه انقل له من صحتي
اجلس جواره اسمع الى همساته الضعيفة
بعيد هو ،لا أملك له إلا دعائي
مولاي استجب

Heimat

Heute in mein deutsch kurs , wir haben eine lektion uber Heimat . die lehrerin hat uns gefragt 

was ist heimat ? das ist eine schwere frage für mich .

die konzept von heimat ist sehr kompliziert heutzutage in Agypten und in meisten Arabische lande .  

fur mich , ich bin in agypten geboren , aufwachsen in SaudiArabia . seit 8 Jahre ich bin in Agypten geblieben und studiert . jetzt ich beende mein studium und anfange meine Karriere auch in Agypten , aber ich würde in Deutschland blieben und arbeiten . trotzdem bin ich Ägypter , ich fuhle das nicht . 

nachdem die revolution , ich fuhle mich Ägypter , aber jetzt in diese politik situationen , ich habe andere konzept uber Heimat .

Agypten als viele Arabische lande sind zu streng zu blieben . ich kann nicht seine Grenzen ertragen . ich mochte freiheit , ich mochte kein diktator oder islamische Regierung. Endlich , bin ich mensch , die welt ist mein Heimat

Immer und alle

ich hasse diese zwei worte und liebe nicht wer sagen diese worte jeden tag  in jeden situation .

wir horen menschen sagen ' du bist IMMER blah blah blah ' oder ' alle leute sind blah blah blah ' 

wir sind menschen nicht Gott zu richten , wir mussen Verallgemeinerung nicht .

ich hoffe menschen auswechseln diese worter mit manchmal und meisten , das ist besser 

رسالة إلى حبيبتي التي لا أعرفها

عزيزتي ........... ,
عذرا لا أعرف اسمك - بعد -  , ولم أنعم برؤية وجهك - للاسف - ,  لا أعلم متى أنار الكون بحضورك , ولا أين أدخلت الفرحة على والديك - وحرموني منها - ,  لا أعلم  ان كنت سأراك قريبا أم مستقبلا , ام لن أمتع ناظري برؤيتك أبدا , قد لا تصلك رسالتي هذه أبدا , لكني أكتب إليك على كل حال , في هذه اللحظات اللتي أكتب فيها اليك , انت طفلة صغيرة , قد تكوني راقدة في حضن أمك الجميلة , منذ ساعات كنت على بضع خطوات منك , ولم أرك , واحسرتاه
رسالتي إليك بسيطة , عندما تكبرين قد تراودك أفكار عن امرأة باكية متحسرة , تقاتل لرؤيتك , أحبتك من قبل رؤيتك , وستطل تحبك , ستظل راغبة في لقاءك  ,  تتمنى من الله ان تسعي للقاءها أيضا ,,,

عزيزتي ,
اعلمي ان هناك قلب عامر بمحبتك , ذراعين طامعين لاحتضانك , عينان يائستان لرؤيتك ,  عقل مشغول بك , ترى كيف تبدين ؟
أتخيلك بيضاء جميلة كوالدتك , عيناك ضغريتان كزيتونتان , شفتاك رقيقة كبتلات وردة , ترى هل سأراك رضيعة في حضن أمك , أم فتاة شقية تركض في الأنحاء , أم شابه ناضجة على وشك الزواج !!

عزيزتي ,
كل رجائي ان تكوني رسول مودة وحب , وجمع من بعد شتات و والفة من بعد عداء ,  أرجو من الله ان تكوني قرة عينها , وتذكرة لها ,  بأناس أحبوها دون قيد أو شرط , وهجرتهم دون سبب , وحرمتهم منك إجحافا .

من أحبتك ولم تراك

,,,,,,,,,,,,,

فرحة جريحة

امرأه صغيرة جميلة , حضرت إليَ متألمه , باكية , صارخة , كلماتها متوسلة , تطلب الرحمة , الخلاص . القيت عليها نظرة , وجدت بطنها متكورة أمامها , تحمل سر الحياة في أحشاءها ,  من حولها امرأتان , تطلبان مني ان استخرج الفرحة من رحمها , السعادة من جوفها , الأمل من بين فخذيها . كثرت من حولي خطوات , همهمات , اختلطت في أذني اصوات صراخ وبكاء وخطوات مسرعة , الكل يهرول لنجدة المرأة فأخيرا سوف ترتاح لتسعد بحصادها , اللذي منذ 9 أشهر كان بذرة , ظلت تكبر , وتكبر معها سعادتها , 9 أشهر ومن حولها في ترقب في انتظار اللحظة المنشودة , لحظة انبثاق الحياة من الحياة , لحظة نفخ الروح في الجسد الصغير , الأحمر , الباكي , اللذي خرج اخيرا للحياة , بعد صراخها والمها وتوسلاتها , امسكت يدها , ثبتت نظرتي عليها , التقت عينانا , حاولت ان اعطيها من قوتي لتتحمل , فأعطتني من ألمها وأبكتني , امسكت يبدها , وثبتت ساقيها , حتى تنفرج الغمة وتحل محلها الفرحة , بعد معاناه , أراد الله لها الخلاص , أراد لمولودها الحياة , على وجهها نظرة ارتياح ابتسامه مجهدة , لسانها يلهج بدهاء صوتها ضعيف لا يقوى على الشكر , ربتت على كتفها , طمأنتها , مسحت دموعي , وذهبت . أبت دموعي أن تمسح , فقد مر ببالي امرأة ضغيرة , جميلة , تحمل سر الحياة والسعادة في أحشاءها , وللاسف لم ارها , ولم اسمع صراخها , ولم انعم بمساعدتها ولم اشاركها فرحتها , ولم أر ضغيرتها ولم يراد لي أن أحمل طفلة طال انتظاري لها , أو مساعدة أخت في حملها ومشاركتها فرحتها , ورؤية فرحة على وجه أمي وأبي - الجدان - اللذان يجهلان كونهما جدان , فرحتي مكسورة , مجروحة , يائسة , طامعة في كرم من نفخ الروح ,,,,,

الدين أفيون الشعوب

النهاردة الجمعة المفروض انه يوم أجازة بس دي حقيقة انتهت بالنسبة لي من زمان , عندي كورس وشغل كمان , المهم وانا نازلة ساعة الصلاة بحسب اني هاوصل بسرعة لان الدنيا فاضية والناس يا اما اجازة يا اما بتصلي , الغريب لقيت الدنيا زحمة في الشارع والمواصلات , غريب جدا بس مش ده موضوعنا , موضوعنا بأى اني وانا في المترو لقيت , ست مصرية بسيطة , لابسة جلابية ولافه راسها بمنديل وبتبيع في المترو بصيت لقيتها بتبيع  ورقة مكتوب عليها ترانيم مسيحية و مقولات للبابا شنودة , اما دخلت المترو تقريبا كل اللي كانوا قاعدين سيدات وبنات محجبات , هي طبعا ادركت انها مش هتعرف تبيع لحد , المهم فضلت واقفة لحد ما دخلت كام بنت من أفريقيا , غالبا من جنوب السودان , تقريبا كل اللي من جنوب السودان بيكونوا مسيحيين , اول ما قعدوا جريت قعدت جنبهم وقعدت تلاغيهم بالاشارة لانهم ما كانوش بيتكلموا عربي كويس , قعدت معاهم حوالي محطتين كانت مبسوطة وبتضحك معاهم , وطلبت من البنت انها تشربها من العصير اللي معاها , شربت و ادوها فلوس ونزلت . وانا كمان نزلت .

طول الوقت وانا بفكر في الموقف ده , لفت انتباهي حاجتين , اولا , انا شايفة لو حد غلبان ومحتاج فلوس فبيبيع حاجة في المترو لازم يبيع حاجة الناس محتاجاها كتير عشان تقدر تكسب , في بلدنا لانها اغلبية مسلمة مش هتلاقي حد يشتري منها ده . 

ثانيا , ان هي حست بألفة مع البنات من جنوب السودان اكتر من اي حد مصري تاني , مع ان المصريين - للاسف - عموما ما بيتآلفوش مع الافارقة ولا بياخدوا عليهم بسرعة .

خليني اعلق عالموقف ده , اما حد غلبان بيبيع حاجة في المترو حتى لو حاجة مالهاش لازمة في ناس عموما بتديها فلوس , بس دي ماحدش اداها , مممكن صدفة , وممكن حاجة تانية - مش عايزة اعمل فتنة طائفية - بس لو فيه حد في المترو طلع معاه ورق ادعية ولا سورة الكرسي كان اكيد حد اداها فلوس وخد منها او ماخدش , هو احنا فعلا بنفكر كده ؟ 

اننا بنساعد الناس اللي من ديانتنا بس !!! ولا الضغط النفسي اننا بنعمل خير مرتبيط بالدين فبساعد الناس اللي مؤمنين بنفس اله اللي هيدخلني الجنه , فمش بساعد _ الكفار _ التانيين !!!

غير كده هو دلوقت الألفة الديني أقوى من المواطنة والالفة الاجتماعية , يعني الست دي انبسطت وحتى اما عطشت طلبت ميه من البنت المسيحية من جنوب السودان بس ما قعدتش ولا طلبت حاجة من السيدات المحجبات التانيين ليه ! 

البني آدم حر انه يتعامل وينبسط مع اللي يحبوا , بس هل اما اتعامل مع حد من نفس الدين افضلي من اني اتعامل مع حد من نفس بلدي !

مش عايزة حد لذيذ يقولي ما تورينا التسامح الديني بتاعك وتديها انت فلوس , انا شخصيا ضد مبدأ اني ادي فلوس لاي متسول , وبيع ورق الادعية لاي ديانة كانت ده تسول مقنع .

الموقف ده خلاني افكر في مبدأ المواطنة , هو حتى التعامل بين الناس عالمستوى الشخصي بأى على أساس ديني , اني بحس بالفة وامان مع الشخص اللي على ديانتي , ولو حد من نفس وطني بس ديانة مختلفة احس انه غريب عني !!!

لازم نعترف ان الديانات وخصوصا المسلمين والمسيحيين في مصر , الفيلم الأخير كما يقال _ المسئ عن الرسول - بغض النظر عن الكلام عن الفيلم ده لاني لسه ما شفتش الفيلم وما اتعدوتش ادي رايي في حاجة من غير ما اشوفها  , لكن موجة استنكار المسيحيين المصرييين للفيلم قد تكون مش دي الحقيقة ميه في الميه , واضح ان فيه حرج في النفوس والا ما كانش حصل احداث طائفية كتير 

وبمناسبة الزحمة وبغض النظر عن الفيلم بردو , النهاردة كان في احتجاجات عند سفارة فرنسا عشان في مجلة تقريبا نشرت كاريكاتير , ده ن غير تعليق على احداث السفارة الامريكية , والتظاهر في التحرير عشان الفيلم ده ده رد الفعل السليم !!! 

الموضوع عن الفيلم ده ليه تدوينة تانية خالص بس اما اشوف الفيلم .

نرجع لمرجوعنا اللي حصل النهاردة ده بيؤكدلي ان الدين فعلا افيون الشعوب .

للنساء فقط

كل سنة وانتوا طيبين عارفة انها متأخرة حبتين لكن أهو اللي حصل , من أول رمضان فيه حاجات كتير اوى عايزة اكتب عنها لكن مش عارفة مكسلة او مافيش وقت , اليوم في رمضان قصير جدا مهما كان طويل , لعنوان مكتوب للنساء فقط أ:يد هلاقي الوزلاد هيموتوا ويعرفوا فيه ايه , عموما الموضوع ده موجه للمجتمع ككل , اللي اقصده هيتفهم من الحكاية الجاية ,  ما علينا اللي استفزني اني اكتب النهاردة حاجة شفتها في الشغل . 

دخلت حمام الشركة اللي باشتغل فيها بصيت في الباسكت - بتاع الحمام - لقيت علبة عصير وورقة كيك , وانا طالعة استغربت جدا قلت في بالي سلل الزبالة اللي مرمية في كل حته في الشركة حبكت يعني تترمي كلب العصير في الحمام , في لحظة افتكرت اننا في رمضان , جه في بالي على طول السيناريو القديم والممل اللي بتعمله كل البنات في رمضان .

فيه حاجة طبيعية وفسيولوجيه لا عيب و لا حرام بتيجي للبنات اسمها - الدورة الشهرية - في الفترة دي في الاسلام للبنات الصايمين , بيبقى لازم انهم يفطروا ما ينفعش يصوموا , فعرفت ان اكيد علبة العصير والكيك دول كلتهم بنت عندها عذر شرعي انها تفطر لكن - في الحمام - طبعا البنت اضطرت انها يا عيني تاكل في الحمام لانها مش قادرة تفطر قدام الناس الناس , لان طبعا كده الناس هتعرف انها عندها الدورة الشهرية زي ما تكون بتعمل حاجة غلط او عيب , المشكلة مش في ان البنت بتتكسف , المشكلة كمان في اللي حواليها اللي هيحسسوها انها عملت مصيبة سودة وانها قليلة الأدب وفاجرة لو عملت كده .

نسيبنا بأى من الموقف ده بالذات , هو احنا ليه محملين البنت في مجتمعنا عار انها بتجيلها الدورة زي ما يكون عيب ولا حرام , هو فيها ايه لما البنت يكون عندها الدورة ببساطة ما تروحش تصلي وتقول ان عندها عذر مش تروح تقف جنب - الجزم - في الجامع او المصلى , ايه المانع انها تفطر تاكل او تشرب لو مش صايمة , ايه اللي يكسف انها ممكن تاخد فوطة من شنطتها في ايدها زي ما تطزن بتاخد باكو مناديل بدل ما تشيل الشنطة كلها عشان تخبيها فيها , ليه اما تكن متعصبة او متضايفة بسبب متلازمة ما قبل الدورة اللي بتخلي البنت حزينة شوية تقول ببساطة سيبوني انا متضايقة عشان هتجيلي الدورة الشهرية , هو ليه الموضوع ده حكر عالستات , ده باعتبار ان الولاد او الرجالة مش عارفين مثلا .

ببساطة الموضوع جده مرتبيط جدا بان البنت في المجتمع الشرقي - عار - والحاجات الخاصة بيها تبقى عار زيها ومش لازم حد يعرفها , دي حاجة مش بإيدها لازم المجتمع يتعامل بطبيعية مع الموقف ده وما يحسسش البنت انها بتغلط في حاجة غصب عنها وما حدش يقولي ان عشان انت دكتورة وانتو في المجال ده عندكوا الحاجات دي عادية ,  في الاسلام كانت السيدة عائشة بتفتي للستات والرجالة في أمور الغسل والجنابة , ولا حياء في الدين عشان ما حدش يقولي الكلام ده صياعة وقلة أدب ما الشيوخ طول النهار في التلفزيون بيتكلموا في الطهارة والحائض وماحدش قالهم حاجة .

ياريت نفكر حبتين من غير أحكام مسبقة  , كل سنة وانتوا طيبين :)

للرجال فقط

كالعادة طبعا مقدمة  مش قصيرة للاسف , دي حكاية طويلة شوية , في مشوار الطب وسنينه ياما هنشوف بلاوي , وفي الدمرداش وفي اقسام الجراحة فأكيد انتوا عرفتوا اني هاتكلم عن العنصرية والتمييز الجنسي , ببساطة كده الطب عندنا في مصر مش زي بقية الدنيا الواحد بيختار يشتغل في المجال اللي بيحبه او المجال اللي شاطر فيه , فيه شرط كمان انك تكون من نوع معين يعني مثلا تسمع  كلمة مستفزة يقولك اصل ده تخصص بناتي و يعني ايه تخصص بناتي !!! لونه بمبي مثلا ؟ تكلم حد من زمايلك او النواب او حتى قرايب واصحاب يقوللي خدي تخصص بناتي حفيف كده جلديه ولا اشعة تبقي قاعدة مرتاحة , يا عم الحاج مين قاللك ان انا تعبانه , هو مش نشتغل اللي بنحبه ولا احنا اتخرجنا عشان تحصرونا في تخصصين تلاتة ؟؟
ومن الكلام المستفز بردو لا الجراحة مش بتاعت بنات , لا اللي يقولك العظم ده تخصص ولادي !!! وهنا مربط الفرس العظم هو المشكلة  , عموما العظم من التخصصات اللي فعلا ناقص يكتبوا عالقسم للرجال فقط , انا شخصيا ما شفتش طبيبة عظم بنت غير وحده بس عندنا وشفتها مرة وما شفتهاش تاني - الله اعلم يكونوا عملوا فيها ايه - وحد زميلي في مستشفى تعليمي تاني قاللي انه معاهم دكتورة عظم وداينا يتريق يقولي جايه العمليات حاطة بارفان !! زي ما يكون مدام هي خدت عظم يبقى لازم تبقى - دكر - ومبهدلة وما ينفعش تتانتك يعني ,, المهم في يوم اسود قررت اني وحد زميلي نبدل التخصصات بتاعتنا هو ياخد مني شغل الباطنة اللي ما بحبوش واخد العظم اللي ضمن الجراحة والمجال اللي عاجبني اكتر , في هذا اليوم المشؤوم مش متخيلة اني كنت هاواجه التمييز الجنسي بابشع صوره وبالفجاجة دي , ندخل للنايب تقوله عايزين نبدل
زميلي : عايزين نبدل مع بعض
النايب : بنت ؟؟؟ انت صامنها هتشتغل ولا ايه ؟
زميلي : اه هتشتغل
النايب : طيب , بصي بأى هتيجي كل يوم وتنزلي كل الاستقبالات
انا : طب معلش عندي امتحان اخلصه بس وانظم وقتي وهانزل
االنايب : لا دي مش طريقة انت مش عايزة تشتغلي لا انا مش موافق دي مش عايزة تشتغل يا عم
انا : طب هانزل وحده تانية , مع دكتور فلان
النايب التاني : لا انا مش عاوز بنات !!!!
انا : ليــــــــــــــه ؟
النايب التاني : انا عنصري

طبعا انا مشيت بعدها بس محملة بكم من الازدراء مش متخيلة ليه , ازاي ترفض حاجة لمجرد جنسي ؟ هو عيب دي حاجة غلط هل مجرد اني بنت ده معناه اني مش هينفع اشتغل عظم او جراحة ؟ مين قال كده اصلا ؟!!!!

عموما انا ما سلمتش بسهولة قررت اني هانزل مع الدكتور العنصري ده مرة كده كمتطوعة عشان يعرف البنات بتعرف تشتغل عظم ولا لا ,,

فعلا اتفقت مع حد زميلي اني يديني شغل ويعلمني وفعلا اتعلمت واشتغلت كويس , لحد ما في اخر اليوم النواب كانوا متضايقين اني ماشية وعايزيني اجي كل استقبال , وكنت سعيدة اني بالبلدي كده علمت عالنايب وخليته يعترف ضمنيا انه ما يعممش تاني ان مش كل البنات ما بتشتغلش عظم او بتدلع وبتسيب الشغل

عموما دي مش مشكلة الدمرداش بس ولا الطب بس انا شايفة ان دي مشكلة ثقافة مجتمع ياريت نلغي كلمة فقط دي وندي فرصة اننا نحكم بالكفاءة ومن غير ما نعمم وندي فرصة للبنات  اللي لما بيحطوا حاجة في دماغهم بيعملوها ده حتى في القرآن  " إن كيدهن عظيم " فعلا

تصبحوا على عنصرية :)

القرط الضائع

عادت إلى المنزل وهي تصعد الدرجات القليلة المؤدية إلى الدور العلوي المؤدي لغرفتها في فرحة طفلة صغيرة , واجهتها المرآه الكبيرة  التي في البهو العلوي , تطلعت إلى وجهها في المرآه , واندهشت من تينك الابتسامة الموحية بسعادة لا مثيل لها , كانت وجنتيها متوردتين وفي عينيها لمعة توحي بإشراقة ونشوة داخلية , بينما تتأمل قسمات هذا الوجه الجميل , الذي ازداد جمالا بتلك الابتسامة والسعادة , كانت تتحسس اذنها عندما اكتشفت انها أضاعت قرطها , ظلت تبحث في جيب سترتها وتضع يديها في حقيبتها كيفما اتفق في محاولة لايجاد هذا القرط ,وفجأة تذكرت شيئا , جعل وجهها مكللا بضحكة ملء فمها , لقد توقعت أين فقدت هذا القرط , دلفت إلى غرفتها , القت حقيبة يدها دون اهتمام , ووضعت سترتها التي ابتلت من المطر , وارتمت على سريرها معلقة عينيها في سقف الغرفة , تسترجع شريط ذلك اليوم العجيب , الذي لم تهدأ امطاره حتى عودتها في البرد والمطر اغرقها ولم تحمها مظلتها من أي شئ , كل ما قدمته لها هذه المظلة لمسة جمالية في صورة تذكارية التقطها لها أحد المارة قبيل فقدانها هذا القرط , أو بمعنى أصح قبيل مقابلته بدقائق , كانت تنتظره في وسط الشارع الكبير بالمدينة كما أخبرها , ظلت تنتظر لدقائق حتى وجدته يأتي من خلفها , استقبلته كعادتها بابتسامة ملء وجهها , واستقبلها بقبلتين ناعمتين على وجنتيها , كعادة بدايات اللقاء كلمات تفقد عن الأحوال وعن الطقس خلال خطوات قليلة وسط المارة وتحت المطر الغزير , كان الطقس هذا اليوم ضدهما حتى هذه اللحظة , البرد شديد جعل ايديهم متجمده وخطواتهم متخشبة , وكلماتهم تخرج مع دخان البرد الأبيض من أفواههم , كان الطقس بأي حال من الأحوال غير مناسب لأي لقاء كان , بعد عدة خطوات اقترح عليها الجلوس في مكان مغلق أو مقهى , اعتذرت له بأنها كانت انهت غداءها وقهوتها توا , اقترح عليها ان يدخلا السينما لتقضية الموعد فهي المكان المناسب في هذا الوضع , اظهرت له حماسا ساذجا ظلا يتنقلان بين دور السينما بحثا عن فيلم مناسب , ظلت تعترض على الأفلام حتى وجدت ضالتها في أحد الأفلام بدا غريبا عليها , فقررت ان يحجزا في هذا الفيلم " كعادتها تحب تجربة الأشياء الجديدة , فالتكرار يقتلها دائما , وتعيش على العفوية والمفاجآت , كعادته دائما تقدم ليحجز لهما تذكرتين في الحفلة المقبلة , ولم يقبل عرضها في دفع ثمن تذكرتها على ألأقل ودحجها بنظرة الشرقي " أن معك رجلا ليهتم بالامور المادية " كما تعودت ايضا لن تجادله , عاد اليها اخبرها انه لا تزال ساعة حتى موعد العرض , عرض عليها الجلوس في المقهى الملحق بالسينما قتلا للوقت هناك , اعتلت أحد الكراسي المرتفعة هناك ولحقها بكوبين من الشاي المطيب بالنعناع , فقد عرف مشروبها المفضل رغم حداثة معرفته بها , اخرجت علبة سجائرها اشعلت واحدة وعرضت عليه أخرى , تعجب عند رؤيتها تدخن , سألها بتعجب , الم تخبريني انك لا تدخني , ردت بقلة أهمية انها تدفئها قليلا في هذا البرد غير المعتاد , فهي لم تعتد جو هذه البلاد , فقد اعتادت العيش في بلد دافئ , فقد تلهيها قليلا عن هذا الزمهرير , لم يعلق وظلا يحتسيان الشاي ويدخنا حتى قاربت العلبة على الانتهاء , وقاربت الساعة على الرابعة موعد عرض الفيلم , كان الحديث بينهما معتادا يقرب الى الملل , أوحى لها بأن الأمسية ستكون على هذا المنوال , لكنها اكتشفت لاحقا بأنها مخطئة تماما , دلفا الى القاعة , كانت لا تزال أضوءها موقدة , ولا يجلس فيها غير 6 أشخاص , لم تستغرب قلة هذا العدد , فلا عجب ان تكون السنما فارغة في بلد غير معروف بانتاج الافلام , ولا يهتم مواطنيه بالسينما المحلية , كانوا 4 اشخاص يجلسون أماما على اليمين , واثنان يجلسون خلفا على اليمين , سألها تأدبا اين تريد ان تجلس بينما كان يسبقها يسارا إلى الصف الأخير , تبعته بتلقائية وجلسا متجاورين , انطفأت الأضواء معلنة عن بدء العرض , كانت تتابع البداية بحماس وتركيز فقد كانت لغة الفيلم صعبة عليها قليلا , بينما كانت عيناها معلقة بالشاشة كانت عينيه معلقة على وجهها , بطرف عينيها اكتشفت نظراته المتلصصة عليها , فالتفتت اليه واولته ابتسامة صغيرة ثم أعادت نظرها للشاشة والقت برأسها على كتفه , ظلا صامتين لمدة , كان صمتا متواطئا , مع توتر بينهما , كان صمتا مفضوحا , يخبر أكثر بكثير من الكلام , صمتا يدعو للفعل , للتقدم للجرأة , صمتا قطعه هو بقوله , بأن نحي عنك معطفك فالجو سيصبح اكثر سخونة داخل القاعة بسبب التدفئة المركزية , " ولاحقا بالفعل اكتشفت بأن الجو أصبح أكثر سخونة   فعلا   ولكن ليس بسبب التدفئة " ,  نحى هو الاخر معطفه والقاه على الكرسي الفارغ بجانبه , اعتدل في جلسته ليصبح اقرب اليها , واحاط كتفيها بذراعه , امال رأسها على كتفه , ربت قليلا على كتفها , ثم التقط يدها وطبع عليها قبلة حانية , أصابتها بدهشة مفرطة , جعلها تفكر ماذا تفعل في هذا المكان ؟ , اين هي ومع من ؟ كيف انها قطعت الاف الأميال لتكون في بلد مع شخص بالكاد تعرفه ولم تقابله غير مرتين , وهي معه الان في السينما في وضع شبه حميمي جدا , من أين لها هذه الجرأة , أم من أين لها هذا الاطمئنان , لماذا تتعامل معه وكأنه صديق قديم , او حبيب مقبل , تتحدث معه براحة تامة , شعرت بالفعل بمقوله " ان الارواح قد تتلاقي قبل الاجساد" سالت نفسها أهي مندهشة حقا , ام انها متوقعة ما سيجري , ام انها كانت تستحثه لما حدث لاحقا , أخرجها من دوامة هذا الاسئلة حديثه الموجه اليها , فقد سألها هل تفهمين ما يجري , أومأت برأسها أن لا , ظل يشرح لها ويوضح كان يقترب بفمه من اذنها يهمس لها همسا ما يدور في الفيلم , عندما انتهى لم يعد بظهره الى الوراء , اقترب اكثر كانت شفتيه تعبر من أذنها على وجنتيها حتى وصلت طرف شفتيها , وفي غفلة منها كانت شفتاه تلتهمها التهاما , لم تقاوم , ولم تتجاوب , كانت مستسلمة فحسب , كانت تستمتع باستسلامها له , كانت هذه الثواني المعدودة كأنها سنوات عند انتهاءها كانت الافكار تدور في راسها , فقد علمت الان ان في بلد لا يهتم بالسينما فإن دور السينما اصبحت اماكن لممارسة الحب , مكان تقابل العشاق لاختلاس لحظات حميمة بعيدة عن الاعين , احست بتواطئ الطقس معه لكي يحاصرها ويجبرها على الاستسلام , في غمرة أفكارها مال على راسها وسالها ان كانت تشعر بأي ندم بعد هذه القبلة , نظرت له بعدما سقطت كل اقنعة المقاومة وكل ما يدور في رأسها مقولة أوسكار وايلد " الطريقة المثلى في التعامل مع الإغواء الاستسلام له " لم تكد تخرج من فمها كلمة " لا " حتى هوا عليها بقبلة أخرى أقوى وأعنف , فقد كان في القبلة الأولى كالأعمى الذي يتحسس طريقه , لكنه الان بكل ثقة لن يتردد بأن يقابل بالرفض او المقاومة , كانت شفتيها تحوط شفتيها , وذراعيه الخبيرتان يلتفان حول جسدها بقوة , بين قبلة عنيفة وأخرى كان يدلل شفتيها بقبلات صغيرة ناعمو وكأنها اعتذار عما بدر من شفتيه من قوة واندفاع المشتهي , بينما كانت يديه تعبثان في جسدها بلا توقف , كان يهمس لها بين حين وآخر ان كانت سعيدة أم لا , لم تكن تجيبه كلاميا لكن كانت تتجاوب معه برد عملي يطغى على أي كلمات يمكن ان تقال , ظلا يتبادلان اللحظات والهمسان واللمسات الحميمة حتى أوشك العرض على الانتهاء , اعتدلت ترتب ثيابها ولكنها لم تنتبه لضياع القرط الذي ضاع في غمرة اللحظات المحمومة , استفاقت على صوت بجانبها فإذا بهاتفها المحمول , التقطته من الطاولة بجوار السرير فإذا به هو , يشكرها على هذه الأمسية الرائعة , ويقول لها سوف أشكرك حتى تملي الشكر ,,,
تمت

على شرف بثينة كامل

كالعادة طبعا مقدمة طويلة لحواري النهاردة , عنوان البوست على شرف بثينة كامل لانها خلتني ارجع اكتب وافضفض بعد فترة جفاف وقحط لغوي كبيرة اوي ,, بالذات خبر استبعادها من السباق الرئاسي كانت القشة التي قصمت ظهر البعير , وكانت اخر ضغطة عشان اطلع كمية كلام كتير عن انتهاك حقوقي كمرأة لمدة شهر ونصف في عملي في الدمرداش ,, بالصلاة عالنبي كده نبدأ نحكي كام موقف كده ونحلل

من أول يوم بدأنا فيه شغل في الامتياز في مستشفى الدمرداش , كنت بدأت قسم الجراحة , بنقسم النبطشيات والاحوال والاستقبالات واللذي منه ,, أول حاجة قفلتني لقيت النواب بيقولوا خلولي الولاد في نبطشيات الليل بلاش البنات ؟؟!!
أنا : لا انا عايزة اخد نبطشياتي كلها ليل
النايب : لا بلاش خللي الرجالة تاخد بالليل
أنا : لا انا ورايا حاجات الصبح ومصممة اخدها بالليل
النايب : خلاص خدي اللي انت عايزاه انا عامل على مصلحتك وخايف عليك
خلص الحوار ,, بعد عشرة مع النايب هو فعلا شخص كويس وبيقول كده كنوع من القلق عليا , لكن المشكلة انه مش قادر يفهم اني زيي زي الولد وهاقوم بنفس مهامه ولو حصلي اي حاجة ممكن تحصل كحادث يحصل لاي حد ,,

تاني موقف ,, أنا وولد كمان زميلي نشيطين وبنشتغل حلو اوي للنواب , وفي المقابل  بيخلونا نتعلم حاجات جديدة ونجرب بإيدينا , احقاقا للحق , فيه نواب ما بتفرقش معاهم وبيعلموا الولد زي البنت المهم يكون بيشتغل كويس , وفيه ناس تانية , لا انا عايز ولد يتعقم معايا ,, ما تفهمش متعقد من البنات ولا ايه نظامه

ثالث موقف , اكون واقفة انا و2 زمايلي وتدخل حاله ييجي النايب , يا فلان روح اعمل كذا , يا علان روح اعمل كذا ,, وطب بالنسبة ان انا واقفة زيي زيهم واقدر اشتغل بردو ,, ايه وجهة النظر ان انت مش واثق اني هاقدر اعمل نفس شغلهم , ليه  حاسس ان شغل الجراحة ده شغل للرجالة وان البنات حاشرين نفسهم فيه ؟؟!!! مين قال كده اصلا !!

رابعا طبعا لما باقف وباشتغل بيدخلوني ويعلموني حاجات لانه هيكون عيب يطنشوني كده كتير ,, بالاضافة ان اصلا الولاد اللي هما معتمدين عليهم مش بيحضروا أدي ولا بيستحملوا يصحوا ويقفوا كتير زيي ففي الاخر مافيش غيري قدامهم , كل اما اقول حاجة تلاقيهم بيتريقوا على طريقة الكلام , مع اني بشتغل حلو لكن لازم يحسسوني اني بنت سيس وبردو ماليش فيه شغلهم !!!

خامسا وده اخر موقف حسيت فعلا فيه باحساس بشع ,, جه النايب بيكلمني انا وحد زميلي هيطلب مننا طلب لبنك الدم ,, قال لا انا يا فلان الطلب ده لانه صعب محتاج راجل حد شديد ,, قلتله لا ايه الفرق يعني انا اقدر اعمل كده ,, قاللي خلاص خديه اصلا كويس انك انت اللي هتحضري دم لان استاذ فلان هو اللي ماسك بنك الدم النهاردة , المهم ان تحضير الدم كان صعب بسبب بعض الامور الادارية , وانا انجزته بسهولة , لما رجعت للنايب ما صدقش اني فعلا انجزته بسرعة وشايف انه الموظف خلصني لاني بنت وبادلع ,, وبعدين بيقولي انا لو كنت بعت ولد ماكانش هيخلصه , وبعدين مش عيب انت بتستغلي امكانياتك !!!

وقتها حسيت ان جردل ميه ساقعة وقع في قفايا ,, هو احنا بنتشاف كده ,, انت مش شايف ان انا بشتغل كويس ومجتهدة وشايف بس اني بعرف اتدلع عشان اخلص لك امورك , ايه كمية الازدراء لشخصية المرأة وحصرها في جسدها وانوثتها

الحقيقة ده خلاني اعرف ان فيه بنات بتعمل كده عن قصد فعلا !! وده يرجعنا للنقطة الأولانية خالص ,, بثينة كامل ,, مشكلة حقوق المرأة في مصر مشكلتها مش بس في الرجل الذكوري "male man " ده اللفظ اللي قلته للنايب , لا مشكلته في ان المرأة نفسها مش مؤمنه بنفسها وبنات جنسها مصر مافيهاش 30 الف مرأة متنورة مؤمنة بحقوق المرأة قدرت توفر ساعة من وقتها تعمل توكيل لبثينة كامل عشان نبقى بدأنا خطوة كبيرة على طريق المساواة وحقوق المرأة , ماعرفناش حتى نوفرلها فرصة انها تترشح ,, بثينة كامل اللي كانت واقفة سياسيا وثوريا زيها زي كل الرجالة اللي بشنبات اللي مترشحين دلوقت ؟؟!!  بثينة كامل انا باشكرك على كل حاجة , باشكرك لكونك انت , باشكر كفاحك ونضالك وان كانت معركة خاسرة , انا فعلا فخورة بك , واكيد هنشوف اليوم اللي يكون فيه لمصر رئيسة

اخر موقف كان هيجيبلي الشلل بالمناسبة مدرسة الألماني بتاعتي الست المتعلمة المتنورة اللي درست في مدارس الماني وسارفت المانيا , بتقولي ما ينفعش يكون رئيس مصر وحده ست !!!  بقولها ازاي انت امراه عاملة ولازم تدعميها ,, امال انجيلا ميركل دي ايه !!! قالتلي ده في المانيا بأى مش هنا ,, امتى ياربي نبقى زي المانيا بأى :((

عموما في الاخر ما اسمعش بأى صوت اي وحده بتقول انا بعاني من اضطهاد أو تمييز كان قدامنا فرصة ذهبية لدعم المرأة وضيعناها للاسف ,, احنا لسه قدامنا كتير اوي ,,

لكن مش هيأس ,,,

احقاقا للحق بردو عشان يكون فيه موضوعية وأمانة في النقل , بثينة كامل لسه باعتالي ان ساتبعادها وحربها ضد العسكر لانها مصممة تفضحهم وان مش لانها ست , مع اني قلتلها ان مشكلتها مع العسكر بسبب مبادءها , لكن في الكجتمع لانها ست , لكت هي مصممة انها مش أزمة مجتمع , وانها أزمة ثورة بتتقتل ,, بس المهم انها قالت اللي انا متفقة معاها فيه

هننتصــــــــــــــــــــــر 

تأشيرة تونس الخضرا

ان شاء الله انا على وشك اسافر تونس وانا باحضر للسفر كنت شايلة الهم جدا لان كل الناس ذكرياتها عن الفيزا كانت سيئة ومعقدة , الحمد لله أنا طلعتها بسهولة وهاقول السبب بعدين لكن كنوع من المساعدة هاحاول اكتب ازا ي تستخرج فيزا سياحية لتونس من مصر

الأوراق المطلوبة

جواز السفر
2 صورة شخصية
2 صورة من جواز السفر
2 صورة من تذكرة طيران
2 صورة من حجز فندق
2 صورة من حساب بنكي بحد ادنى 7000 جنيه

وهتملا طلب التأشيرة نسختين بردو

الأوراق دي ضرورية اذا كنت هتروح للسياحة في حالات تانية ممكن تسهل استخراجها زي اللي حصل معايا

كشف الحساب وحجز الفندق ممكن تعفى منهم في حالة ان جالك دعوة من أي جهة رسمية , بالنسبة ليا بم اني رايحة تبادل طلابي فجتلي دعوة من الجامعة والمستشفى التابعة ليها

الفيزا بتاخد من 5 ايام لاسبوع

السفارة في الزمالك ورا فندق ماريوت , المشكلة ان مواعيد التقديم للفيزا ايام محددة من الاسبوع التلات والاربع والخميس من 10 ل 1 ظهرا

والاستلام من السبت للخميس من 9 - 12

بيتلم رسوم الفيزا وقت الطباعة عند الاستلام , تاشرة المرور 60 جنيه , تأشيرة الدخول 200 جنيه والدخول المتكرر بنفس السعر الفيزا بتطلع لمدة 3 شهور في حالة حبيت تخرج منها وترجع تاني

آخر حاجة أحب أقولها , بمناسبة الربيع العربي والثورات العربية ياريت ان فيزا تونس للمصريين تتلغي زي ما هي ملغية من دول زي السعودية والامارات , احنا  جيران حتى واصحاب ثورات

دي ملاحظات سريعة واللي يحب يسأل على حاجة أنا جاهزة ,, رحلة سعيدة

رشف ,, المكتبة التعاونية

رشف ,,
المكتبة التعاونية

محب للقراءة وترغب في قراءة المزيد من الكتب
ترغب في القراءة ويمنعك من اقتناءها غلو أسعارها
مللت من قراءة الكتب الإلكترونية
لديك الكثير من الكتب ولا مساحة لديك لتخزينها


إذا كنت أيا من هؤلاء , انضم ل"رشف" المكتبة التعاونية

مكتبة قائمة بالجهود الذاتية والخيرية بدون أي مبالغ او اشتراكات مالية

لكي تشترك معنا تبرع بكتابين فقط من مكتبتك , وهذا يعتبر كرت عضويتك معنا

سوف تقوم باستعارة الكتب واعادتها , لستفيد وتفيد غيرك

لن تكن مضطرا لشراء الكتاب او دفع أي مبلغ مقابل الاستعارة

في حالة ضياع أو تلف الكتب , لست مضطرا لاعادة نفس الكتاب , فقط ضع كتابا بديلا عنه

هل تحمست للفكرة ؟

هنا ملخص لكل الاسئلة التي قد تراودك عن "رشف " المكتبة التعاونية

كيف يمكنني الاشتراك ؟ بكل بساطة تبرع لنا بكتابين فقط من مكتبتك وهكذا تصبح تلقائيا عضو معنا

هل ساستعيد كتبي مرة أخرى ؟ سوف تتبرع لنا بكتب لم تعد بحاجة لها , ومقابل ذلك يمكنك استعارة ما تشاء من الكتب ماقبل هذين الكتابين

متى يمكنني ان استعير الكتب ؟ بعد تبرعك بالكتابين تقدر ان تستعير فورا اي كتاب موجود في المكتبة وتسجل بيناتك وتقراه وتعيده لنا وتستعير غيره

كم تكلفة استعارة الكتب ؟ من غير أي مقابل بمجرد وضعك للكتابين ستستعير الكتب وتعيدها بدون اي مقابل

ما الفائدة العائدة عليكم ؟ رشف المكتبة التعاونية مشروع ثقافي لا يهدف للربح يسعى لنشر الثقافة والتحفيز على القراءة

كيف يمكنني مساعدتكم ؟ ببساطة قم بالترويج للفكرة , وادعو اصدقاءك للتبرع بالكتب أيضا , وليكون المشروع لبنة تلفت الأنظار لما يجب أن تكون عليه المعرفة والثقافة ومصر بعد الثورة

أين مقر "رشف " المكتبة التعاونية ؟ جاءت فكرة مشروع ( رشف المكتبة التعاونية) لتحقق أهدافاً واضحة علي رأسها التواصل مع المصريين في جميع محافظات مصر وليس فقط القاهرة إلى جانب تحقيق قدر وافي من التوازن بين تلك المدن وباقي المحافظات و لذا نسعى لتوفير مقار في كل المحافظات , ويمكنك مساعدتنا بتوفير مقر ليستضيف المكتبة التعاونية

هل توفر المكتبة خدمات أخرى ؟ كلما زادت مشاركتكم كأعضاء زاد الابداع وتنوع الافكار وسيتم الارتقاء بالمشروع ليكن منتدى ثقافي كبير بلا تكلفة يهدف لنشر الثقافة وتواصل الاعضاء وتبادل الكتب , لان مصرنا بعد الثورة تستحق أكثر من ذلك

راس النعامة

معلش انا عايزة ابدأ بمقدمة طويلة حبتين بس مهمة للنقطة اللي هاتكلم فيها , النهاردة كنت في نموذج محاكاة لمنظمة الصحة العالمية , في الجلسة اللي كنا فيها بنستعرض حاجة اسمها MDGs , هي عبارة عن مهام حطتها منظمة الصحة العالمية عشان تنفذها بحلول سنة 2015 , المهم واحد من المهام دي مكافحة مرض الايدز " AIDs , HIV " من خلال استعراض بعض المعلومات عن المرض كان في احصائية عن مصر هاكتبلكوا تفاصيلها

ان نسبة اصابة الايدز في مغايري الجنس 49 %  وكانت اول طريقة للاصابة في مصر  ونسبة الاصابة في مثلي الجنس 22 %  , 12 % نسبة الاصابة في مرضى الغسيل الكلوي , وعن طريق نقل الدم 6 %

لو تأملنا في الأرقام دي شوية هنفهم 3 حاجات


- ان انتقال المرض في مصر مع مستوى الرعاية الصحية مش مثالي بس تعتبر اقل بكتير من الطرق التانية

- ان نسبة الاصابة في مثلي الجنس تقريبا نص نسبة نغايري الجنس يعني الصورة النمطية  ان اول ما نسمع ايدز نفتكر انه من الوحشين مثلي الجنس دي نحاول نغيرها , ومعلومة أحب اضيفها ان كتير من مثلي الجنس بسبب وعيهم بوضعهم بيبقوا احرص من الناحية الطبية على استخدام الواقي وبتبقى معرفتهم عن الجنس الامن اكتر من مغايري الجنس

- تالت نقطة بأى ودي المهمة ان أكتر نسبة واول طريقة هي عن طريق ممارسة الجنس , بين الرجل والمرأة مغايري الجنس , ده بيفتح عنينا على نقطة اننا عندنا ممارسات جنسية غير آمنة بتحصل وغالبا بتبقى ممارسات خارج الزواج .

لو فضلنا مغمضين عيننا عن النسبة دي هتزيد لاننا ما عندناش احصائيات كفاية عنها لاننا قانونا وشرعا مش معترفين بممارسة الجنس خارج اطار الزواج , او ممارسة الدعارة

أنا دلوقت مش باعمل دعوة لتقنيين الدعارة او باحفز على قبول ممارسة الجنس خارج اطار الزواج عشان ما اسمعش كلام مالوش لازمة

كل نقطتي اننا ما نبقاش زي النعامة وندفن راسنا في الرمل ونهرب من مشكلة , لازم اللي بيمارس حياته الجنسية يكون عارف يعني جنس امن وياخد احتياطاته يمارسه داخل اطار الزواج خارجه دي حريته تبعا لاخلاقه وعقيدته

بالنسبة لوزارة الصحة والهيئات الحكومية مدام انا عارف ان فيه اماكن لتجارة الجنس ومش عارف اعمل معاها حاجة يبقى على الاقل ارصدهم لمجرد مكافحة المرض والجزء القانوني ده يبقوا يحلوه بمعرفتهم , لكن انا اغمض عيني عن مصدر لانتشار المرض لاني مش معترف بيه قانونا فده مش عارفة اسمه ايه .

أنا بالنسبة لي لما يكون عندي مشكلة وهي أمر واقع وموجود فإن تقنينها افضل بكتير من اني اتغافل عنها او امنعها تماما فتضطر الناس تمارسها في الخفاء وتؤدي لكارثة زي انتشار الايدز بسبب ممارسات غير صحية لاننا غير واعيين طبيا بالاضافة اننا بندفن راسنا في الرمل من مشكلة احنا عارفينها ومش عارفين نواجهها.

حكم الأغلبية

النهاردة وأنا مروحة كانت زحمة القاهرة خانقة , والشوارع واقفة تقريبا اقبال الناس المهول عالانتخابات مجلس الشعب مخلي الوصول لاي مكان صعب حتى الشوارع مافيهاش اصلا وسائل نقل ولا اوتوبيسات ولا تاكسيات ولا اي حاجة , شوية كده وجه سي تي ايه فاضي وهيروحنا المهم ان السي تي ايه ملتزم بخط سير معين لازم يمشي , بعد ما الناس ركبت وهي عارفة خط سيره , بسبب الزحمة السواق فكر انه ياخد طريق مختصر , قعد ينادي ويعلي صوته حد نازل في النص ولا امشي من سكة تانية , وعمال يقول بلغوا بعض عشان ماحدش يرجع يشتكي , الغريب بأى ان فيه ناس ردت بمنتهى التلقائية من غير ما تعرف راي غيرها , لا مافيش امشي على طول ,,
طب مش فاهماكوا يعني ايه وجهة النظر انكوا تتغافلوا عن رأي الباقي ازاي معظم الناس عشان نازلة في الاخر تاخد قرار كده نيابة عن الغير بمنتهى التسرع !!!

المهم واحد وقف قاله لا انا نازل في النص طبعا المفروض والطبيعي والصح انه السواق يمشي في سكته العادية , حتى لو كانت ازحم هو ليه خط سير معين وانت ما نبهتوش قبل ما يركب انك هتغير سكتك يبقى لازم تلتزم بطريقك

الغريب بأى ان الناس جتلها موجة من الهمهمة والتذمر ,,, يا اسطى السكو زحمة ورانا اشغال , احنا كده مش هنلحق نروح , يا استاذ ما تنزل الاخر وخرم من المنطقة الفلانية , بعد مضي السواق في سكته النس بقت بتبص للراجل على انه مذنب , وعمالين يلقحوا طول السكة عالزحمة ,,

ايه الموقف الغريب ده ؟؟!! يعني المرفوض انه ينزل مثلا عشان انتوا تمشوا سكة مختصرة , المفروض انه يخاف ويقبل نص حل عشان انتوا اكتر منه وعمالين تلقحوا عليه وتبصوله شزرا ؟؟!! ولا انه يكون لطيف بالنسبة ليكوا ويسكت على حقه وينزل معاكم وخلاص اتقاءا للمشاكل ؟!!

الموقف ده فكرني دايما ان حكم الاغلبية احيانا بيكون ظالم ,, ليه تستقوى على الاقل لمجرد انك قوة ومعاك ناس كتير , ليه تيجي على حق الاقل والاضعف عشان انت في موقف اقوى , مش المقصود انه نمشي حكم الاقلية , المفروض يكون في قانون او شرع او اي حاجة تتفقوا عليها تحفظ حق الكل اغلبية كانوا او اقلية ,,

الموقف ده شبيه جدا بالانتخابات اللي عاملالنا الزحمة دي , الانتخابات دي فعلا ديموقراطية , بس مش دايما الديموقراطية حلوة اوي لما الكتير يجي على حق القليل , البرلمان اللي جي ده انا ماعنديش مشكلة مين هيكون مسيطر عليه , مشكلتي بس لو استخدم قوة الاغلبية دي في انه يجي على الاقليات ,

منطق قوة الاغلبية ده مش صح اللي اغلبية النهاردة او في مكان معين , بكرة او في مكان تاني هيبقى أقلية وهيعاني من نفس الظلم ده , لو فكرنا بالطريقة دي عمرنا ما هنظلم حد لاننا كتير , بمبدأ الكترة تغلب الشجاعة .

بمناسبة نفس الموضوع ده النهاردة عاشورا " كل سنة وانتوا طيبين " اول عاشورا يجي في مصر بعد رحيل المخلوع , فبعض الشيعة في مصر اقاموا احياء للحسينيات عند جامع الحسين في مصر القديمة ولاول مرة يكون عندهم القدرة على الاحتفال بشعائرهم في مصر بعد رحيل رأس النظام , فوجئت بخبر فضهم والقبض على بعض منهم اثناء الاحياء , طب ليه هل لمجرد انهم قليلين واحنا مش فاهمين هما بيعملوا ايه او لمجرد انهم مش زينا خفنا وقررنا نفضهم بالقوة , لو خالفوا القانون في اشغال طريق او اذية للناس بلغهم وامنعهم بهدوء غير كده سيبه يمارس شعائره براحته بس لاننا احنا كتير وهما قليلين سيطرنا على الوضع

شوفوا في يوم واحد اتعرضت ل 3 مواقف مختلفة لحكم الاغلبية وال 3 كانوا " ظلم الأغلبية " الديموقراطية لو ماكانش مصاحب ليها قانون وحفاظ على حقوق الكل هتبقى ظالمة لبعض الفئات ,, من الاخر كده التمييز ضد الاقلية سواء كانت على اساس ديني او سياسي او اجتماعي جريمة و زي ما لازم يكون فيه قانون واضح ويطبق بنزاهة , لازم بردو الناس من نفسها ما تتعاملش بالمبدأ حط نفسك مكانه لو كنت اقلية , عشان يكون في مساواه وعدل بين الناس وبعضها ,,

رقصني يا جدع

من فترة كده لقيت هوجة على تويتر بين الناس على قناة للرقص الشرقي مش هاقول انها اسمها قناة التت عشان ما اعملش دعاية :P :P
بغض النظر عن الاسم انا مش عارفة معناه لو حد عرف يقولي ,, طبعا كان معظم تناول الناس لخبر القناة كان ما بين سخرية واستنكار ونقد , طبعا ظهور القناة كان مصاحب لغلق مكتب الجزيرة في مصر فكانت التعليقات عالخبر مثيرة للسخرية أكتر ,, بالذات في ظل الثورة والاوضاع في البلد ,,,

أنا كلامي دلوقت مش على القناة دي خالص لا أنا بتكلم على فكرة الرقص الشرقي ليه دايما لما بتيجي في بالنا كلمة رقاصة , بيجي في بالنا على طول , وحده عريانة , في كباريه , وناس مسطولة وجو كده مش ولا بد ,, وكتير مننا تلاقيه بيقول استغفر الله العظيم بعد اي كلمة لرقاصة وبنتحاشى في كلامنا اننا نقرب من الموضوع ده خالص ,, ودايما فكرتنا عن الرقاصة دي انها وحده ملعب كده وماشية في سكة غلط ,,

صح ولا لا مش ده اللي فكرتوا فيه اول ما جت سيرة الرقص , ليه ما نفكرش بشكل مختلف ,, أنا شايفة ان الرقص ده فن و ومهارة فعلا فعلا , زيها زي الجمباز او السيرك أو أي حاجة بتعتمد على الابداع بحركة الجسد مش اي حد يقدر يعمل كده بشكل يمتع الناس , ليه عادي بنروح السيرك ونتفرج عالالومبيات بس نتكسف نتفرج على رقاصة ؟؟!!  الرقص عند دول كتير زيه زي الغنا والتمثيل ليه انواع واصول ومدربين وحترفين ومسابقات , وكل واحد بيعجبه نوع معين سواء البريك دانس , هيب هوب , سالسا , تانجو وحاجات كتير اوي اشمعنا بنيجي عند الرقص الشرقي ونقف ونقول عيب ونقلب وشنا ؟؟!!!  عشان الصورة النمطية اللي خدناها عن الرقاصة من الافلام او المجتمع انها وحده بتبيع جسمها ومش محترمة

من جهة تانية , انا بلوم جدا على الرقاصات اللي بتتدشق ان الرقص فن ومع ذلك بترسخ الصورة النمطية للرقاصة اللعوب , ليه بدلة الرقص لازم تكون مكشوفة اوي كده ويكون مقصود بيها الاثارة بمفاتن الجسد مش بفن ودقة الحركات , ليه الرقص بيمارس في أماكن مش مريحة لكل الناس ليه مش على مسرح زيه زي فرقة الرقص الشعبي كده , ليه في رقاصات بيمثلوا ادوار راقصات في افلام بتبين صورتهم زي الزفت  , يبقى ما يرجعوش يعيطوا بأى ويقولوا مجتمع ظالم , ليه الرقاصة ما تلبسش بدلة رقص تتيح ليها حركة مناسبة عشان نبيت تميزها في الرقص مش لازم تبقى مثيرة كده , وده يبقى شغلها من غير كل الحبشتكنات التانية دي وتبقىزيها زي راقصة الباليه او الرقص المعاصر اوي اي نوع تاني

نقطة كمان في نقطة تحول في المجتمع خلانا مش متقبلين فكرة الرقص الشرقي اكتر افتكر ان فيه شريط فيديو لفرح عمي كان فيه 3 رقاصات ,,  دلوقت مافيش فرح حضرته فيه رقاصة وحده , مع ان فكرة المجتمع عن الرقص وحده على مر الزمن يعني زمان الرقاصة ما كانتش محترمة ولا حاجة بس كان المجتمع اكثر تقبلا لفكرة تواجد الرقاصة للترفيه .

انا عندي كذا سبب للحكاية دي بس هاسيبكم انتوا تقولوا السبب اللي يريحكوا عشان ما ازعلش حد

عموما أنا عن نفسي صريحة مع نفسي أنا بستمتع بمشاهدة الرقص الشرقي لما تكون الراقصة محترفة ومتميزة مش راقصة تعري انا مش بنبسط من جسمها , انا بقدر حركاتها ,, على فكرة فيه ناس كتير زيي كده بس هتلاقيهم ما بيقولوش كده بيتكسفوا , بيتفرجوا من ورا  بعض بيحبوا يشوفوا الرقاصة بس قدام النسا يقولك استغفر الله العظيم وايه المسخرة دي !!

فالعقليات اللي في المجتمع ده مش غريب انها يتفتح فيها قناة للرقص الشعبي وتتقفل قناة الجزيرة ,,, وان الناس ما تأيدش الثورة ايو يعني وفيلم شارع الهرم يجيب اعلى ايرادات ,, مش هو ده اللي عايزه الزبون ولا ايه ؟!!!!

انا مش بنتقد على فكرة كل واحد براحته  تأييد الثورة مالوش علاقة بالرقص الشرقي :))

سلام مربع بأى :))