بلاك تيما , بلاك مايندز

المفروض النهاردة تاني يوم العيد , والناس في أجازة ومبسوطين , حبينا اننا نقضي يومنا في ساقية الصاوي مع الفريق الجميل بلاك تيما , الفريق ده عزيز على قلبي وباعتبره من أحلى الفرق , لان أغانيهم بتمس موضوعات في حياتنا , وكلامها جميل وألحانها مميزة وجديدة , كانت دي أول مرة ليا في حفلة لبلاك تيما , أنا كنت رايحة مهيئة إن الحفلة هتكون زحمة طبعا لشعبية بلاك تيما الكبيرة , بالرغم من التزاحم استمتعنا بم يقارب الساعة من الحفلة حتى بدات أعمال شغب فظيعة , ناس بتزعق وبتجري , شماريخ بتولع عمالين يدوروا بيها , الحقيقة أخدت صاحبتي متجهين ناحية الباب عشان نوصل للناس اللي برة ان ده ما ينفعش وصلت ورا لقيت ناس من برة الساقية بترمي قزايز على الناس وبتنط السور , الحقيقة حسيت ان الموضوع اصلا ما كانش امن , واللي زاد من حيرتي برود أفراد أمن الساقية حتى العساكر مش عارفين يعملوا حاجة , الحقيقة اللي محزني فعلا , العقول الغريبة , جميل اننا نقضي عيد ظريف مع مزيكا جميلة , بس يكون تعبيري عن ده باني ارهب واخوف الناس بشماريخ وأؤذيهم برمي زجاجات ده بأى اللي مستفز , اي عقليات وصلت من الغباء والهمجية ان ده يكون تعبيرها عن الانبساط , أنا للاسف ما عنديش صور للي حصل , بس بجد اللي مش شايف ان فيه حاجة غلط حصلت في الحفلة أو موافق عليه فده انسان همجي , بس المشكلة مش فيه المشكلة في اللي سايبه مش بيعاقبه , بجد بجد الناس دي دماغها مظلمة ,, جمهور بلاك تيما , بلاك مايندز black minds